豬Ni生日快樂 

May 26 [Thu], 2005, 14:12


呢個傻妹琴日生日,先嚟介紹一下佢:佢叫kaka,係因爲TTF電台既關係而認識既一個女仔,來自廣東深圳(我現居緊既城市),目前移民留學於澳洲。佢即將會喺電台推出個人節目,名稱暫定為「音樂搜尋」,顧名思義,將會係一個音樂節目。而負責監督佢既節目總監,不才…正是寡人。XD


大家要記得,佢係我負責既新DJ,所以我對佢抱有相當既期望,而且,我覺得佢做音樂節目會相當唔錯,但當然,佢經驗方面比較欠缺,所以不斷既嘗試、練習對佢來講會好重要,聽衆既支持亦一樣。如果你有機會聼到佢既節目,而又覺得ok既,希望大家唔好吝嗇你地既掌聲。


網上搞team work創作,無論何時何月,支持聲音同努力不懈都係需要並駕齊驅既。

安達充新作《CROSS GAME》 

May 23 [Mon], 2005, 12:49


正確名稱應該係《Cross Game》(四葉遊戲)吧?但亦有翻譯組將其譯為《幸運四葉草》。


安達充最新既一部連載作品,雖然目前只係連載咗3話,但已經感到仍然係一部充滿安達格調既作品,有所不同既,只係今次有四位女主角,綜合各方面嚟睇,從大家姐一葉到細妹紅葉,雖然喺樣貌上並無太大突破,但相信今次喺人物設計上比以往會更有趣。四姐妹各有不同既性格(都十分吸引讀者),加上年齡層上存在多少隔膜,相信今次安達老師一定會利用呢個機會大造文章。


但若論到今次《Corss Game》最令安達fans開心既,理所當然就係故事主軸又回到咗大家所熟悉既棒球運動之上。一提起棒球漫畫,相信《Touch》、《H2》呢D安達老師筆下既經典作品,至今依然令讀者回味。期待今次既《Corss Game》會更上一層樓。

20世紀少年 - 浦沢直樹 

May 18 [Wed], 2005, 16:29








浦沢直樹目前仍然處於連載之中既作品《20世紀少年》,已經出咗18本單行本,故事方面亦已經準備進入到第二個高潮當中。係一套名副其實既“科學冒險漫畫”,浦沢老師既畫工無需置疑,一向既成熟,加上貼近生活化,使人睇緊呢套漫畫集時候,陪加真實感。而喺故事内容方面,講述咗一班由細玩到大既朋友當中,出現咗一位企圖征服世界既“朋友”,佢利用主人公健次等人喺小學時所寫既《預言書》作爲藍本,一步一步破壞地球,並發展自己既惡勢力邪教,製造出病毒攻擊人類既同時,亦輸出疫苗解救世界,將自己推向一個人類心目中接近「神」一般既地位....


至於故事主人公健次以及“朋友”既女兒 - 伽南,理所當然就成爲咗解救世界命運既正義人物。《20世紀少年》連載至今,故事依然高潮迭起,並且隱藏咗若干迷題未有解開,繼承咗與浦沢老師經典作品《MONSTER》般一樣撲索迷離既故事。對於呢套作品,除咗浦沢迷以外,任何一位漫畫迷都唔應該錯過。嚴重推薦!!

豬女師姐 

May 18 [Wed], 2005, 15:55

係喇!都應該講講點解我會用呢度既blog喇。


主要就係因爲pigirl,唔記得係點樣發現佢既blog,反正見到之後就覺得呢個blog唔錯,於是乎就註冊咗而傢呢個ID,其實註冊咗之後都唔係經常用,主要原因就係日文比較難明,好多功能都唔太識得點用,而且開始個時輸入中文係會出現亂碼既情況,都係後來多得豬女指導我用HTML來寫先至解決咗呢個問題。所以我平時MSN見到佢,都會好親切咁稱呼佢做師姐!!呵呵~~~


講真既,真係多謝佢教我用呢個blog。而且上個星期如果唔係佢話我好耐都無寫過日記,我諗我都唔會咁心血來潮上來打字。總之.....多謝師姐!!


籍此機會,showshow師姐既靚照先(本來係打算搵佢同Phoebe做雜誌No.06既訪問既,但因爲我既原因,怕且都要無了期壓后喇):


師姐既blog: http://yaplog.jp/pigirl/

《Heart》番外篇 

April 15 [Fri], 2005, 16:18

其實一直都有打算喺TTF以外,同其他志同道合既人一齊創立一個新既編輯部。Ye!Ye!
而目標内容則將會係「日本動漫」。其實都已經諗好咗大概内容同題材,亦搵到合適既BBS去做,但臨門一腳就仲未踢出…
有好多諗法都想去實施,但有心無力:能力方面、時間方面都不如人意。可能作爲一個旁觀者至係最佳既選擇,但我真係好想成功番一次。
猶然記得4 in love既一首歌,當中既一句歌詞係咁唱到:「青春就是我的籌碼」

夢想 - 並不只是「夢」和「想」 

April 05 [Tue], 2005, 18:16

《Heart》改革需要記低既幾個地方:


1、開放投稿
   a. 來稿需要標明原創或擇抄(轉載要標明出處、作者名稱等);
   b. 來稿一律不退;
   c. 來稿最終刊登決定權歸雜誌所有(一般倆周内決定);
   d. 來稿一旦刊登,即可獲得TTF送出T$獎勵(唔獎積分);
   e. 製作投稿須知以及投稿欄目介紹語。
2、主要内容
   a. 文擇、影音動漫評述稿、訪問、加插攝影、設計、寵物、美食等小欄目投稿;
   b. 揄チ連載故事既欄目,從書版挑選故事出來整理發佈上雜誌欄目;
   c. 雜誌為一個欄目、論壇文擇另外做成一個欄目(但要解決衝突問題)。
3、編輯
   a. 減少一半雜誌社成員;
   b. 較多的寫手改為特約作家(爲其設立專欄板塊);
   c. 保留設計人員、記者以及技術人員。

2005年05月
« 前の月  |  次の月 »
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
最新留言
アイコン画像Arion
» 安達充新作《CROSS GAME》 (2006年02月17日)
アイコン画像衣谷
» 《Heart》番外篇 (2005年04月16日)

---------------------
   My Profile
---------------------

名稱: Zap
性別: 男
生日: 12/05
現居: 中國廣東
興趣: 音樂、雜誌、漫畫
MSN: zap_mp3@hotmail.com

プロフィール
  • プロフィール画像
  • アイコン画像 ニックネーム:zap
読者になる
Yapme!一覧
読者になる