☆April 30, 2006★

April 30 [Sun], 2006, 20:22
今日一早起左身,同亞爸亞媽&曉琳去左食早餐,之後就返屋企等亞爸煲湯,攞出去比家姐姐夫,因為今日約左班兄弟姊妹喺家姐屋企睇相睇dvd~

等到1點幾就出去,2點幾出到去,姐夫係到整緊野食,我同家姐就整蛋糕(朱古力海綿蛋糕),整完第一個攞去焗既時候亞Kay上到黎~好野第一個焗好啦~點知…發唔起,成個蛋糕好扁平,切開入面個心都唔熟,好似個豆沙餅咁~(汗)之後我地就開始整第2個~之後亞Ming,恆哥一家(有個2歲大既B仔),亞祥陸續黎到~好野有BB玩,可惜曉琳仲未好返無黎到,如果唔係仲好玩~之後我地就開始睇相DVD~到第2個蛋糕焗好啦~好野終成功啦!不過今次發得勁D,好似鬆軟得滯,一攞上手好容易分開2邊~

睇DVD睇到6點幾7點,Kylie都上到黎,之後開始整野食&叫pizza,嘩~姐夫整左5磅雞翼,2大包意粉~勁~仲有2大個pizza~嘩~食到好滿呀~

食完野之後,就係到睇Kylie去旅行d相(尼泊爾、印度),覺得佢好勁,佢自己一個飛到去嗰邊先join埋個friend,之後自由行咁四圍去,睇到嗰邊d環境,住宿都唔係咁乾淨,對一個女仔黎講都要好大勇氣去~不過d風景都幾靚~

玩到11點幾就返屋企lu~12點幾返到去,沖涼洗頭,嘩~勁眼訓呀!頭都未乾就訓著左lu~

B仔好可愛啊~

☆April 17, 2006★

April 19 [Wed], 2006, 23:01
好開心呀~終於聽到基仔既新歌”花灑”啦~ 今日9點幾起左身~灘喺床到聽收音機,因為好想聽基仔隻新歌,聽完”在晴朗的一天出發”都無~之後聽vani,hehe果然無估錯聽vani一定會聽到~

之後同亞哥亞嫂落去食早餐+午餐~之後亞嫂出左街,我同亞哥就去買野返屋企整野~因為打算整蜜糖鬆餅&芝士白汁吞拿魚長通粉(晚餐)

都好成功呀~不過個蜜糖鬆餅,唔係咁夠鬆&蜜糖味~可能係因為我無落到發粉,淨係落左自發粉,下可以加返發粉等佢發得鬆d~再加多d蜜糖,一定會好好味~


我親手整既蜜糖鬆餅都唔差架~幾好味架~

另外,我同亞嫂一齊整既長通粉都好好味呀~不過唔係咁咸&芝士味~可能我地無用到芝士粉,只係用一大舊芝士整碎~又無用到鹽浸吞拿魚(用左油浸),下次跟足份量,一定會好”正”~

本身今晚要落啟田收場~不過等到10點半都未打黎,於是就打去問同事啦~先知唔駛我去,頂~唔打去都唔講,玩冬 唉~聽日又要返工……好累呀~


今日喺網上搵到既Emily DIY standee~好Q呀~

☆April 16, 2006★

April 16 [Sun], 2006, 22:56
尋晚上網上到3點幾先訓~今朝9點幾就起左身(唉~老人家,唔訓得耐),今日約好會同亞哥亞嫂去家姐屋企整蛋榚&食飯,所以再上網睇下有湯`糕好整~到10點幾,老闆娘打黎話今日要同佢入去上水睇下個場(因前幾日佢都出左trip,尋晚返左黎,所以今日要去~要12點9入到去,唉~又要搭我最鐘意既交通工具入去!?成鐘幾鐘既車程,仲要轉到頭都暈~好彩2點幾就走得,唉~來回既車程仲耐過O.T.時間~唉~

之後搭火車出去尖沙咀join埋家姐姐夫,上到佢地屋企d零食多到呀~仲勁過以前喺屋企嗰時~勁~之後我同家姐就開始整蛋糕,嘩~篩嗰d粉,篩到手都軟,都唔似平時d粉黎既~好不容易地終於搞完d料~可以放落去個電飯煲焗蛋糕~唔知係咪份量勁得滯,焗完1 round都未熟,於是再焗多round~我地就食主菜先~首先係ABC雜茱湯,之後就係白汁海鮮波菜ェ條麵,全部都係姐夫整~好勁呀~姐夫整野食都幾好,果然係為食貓~如果我第時個老公都識整返幾味就好囉~唔係就會餐餐食杯麵啦~哈~

過左一陣,個蛋糕終於都得啦~大家都好緊張結果~……係成功架~d色水都唔錯,味到甜左少少,切既時候個質感都好好~如果我生日時有人自手整個蛋糕比我就好lu~食完蛋糕後,打左一陣機就返屋企~


都幾好呀~哈~因為呢個蛋糕係用電飯煲黎焗,所以個蛋糕邊會有d數字~

☆April 15, 2006★

April 15 [Sat], 2006, 22:45
好野,唔駛入上水,終於放心去玩,嘩~凍左好多呀~仲落雨添! 今日同亞哥亞嫂,家姐姐夫去左龍鼓灘BBQ~好野燒野食嗰到有野遮頭,燒到10點幾,再去食B仔涼粉,嘩~勁滿足呀~

☆April 14, 2006★

April 14 [Fri], 2006, 1:03
今日係復活節假期既第1日,不過要晨咁早要入到上水做野~成3點先喺上水出返黎,你地都知啦~我…最…鐘…意搭MTR架啦(汗)今次仲要係KCR轉MTR再轉巴士(or行路)先返到屋企~試問我點會揀佢呢!?於是就搭巴士出返黎觀塘啦~嘩~搭嗰架70X,成粒幾鐘先出到黎,好彩有位座(都好過要轉黎轉去,轉到頭都暈~)

☆April 07, 2006★

April 07 [Fri], 2006, 0:51
今日放左工後仲要出event,又要人地著得斯文d,唉~我今日本身都著得ok斯文既,不過我全屋都無一對斯文d既鞋(除左家姐結婚時嗰對金色鞋,不過唔知擺左去邊~汗)唯有著對K色converse,好彩條褲遮住~ 返到公司,d同事話斯斯文文幾好丫~我話都ok幾不過對鞋就…汗~

放左工落去買左個飽食,到7點半就call車過灣仔,點知架車差不多8點先到~我地一上車就話要8點3去到,最終我地8點2幾到左~嘩~仲勁過d亡命小巴呀~超快就到~去到join埋亞孟就上去會場~嘩~果然係大場,入去後台都要左兜右兜先到~好啦~去到企左一陣就幫佢換好衫等出場啦~我陪佢企喺後台等,而同事就喺出面等啦~企左好耐終於到出場既時侯,我個同事突然出現話唔可以出場~當時我都唔知發生梼盆只知道個台有d問題.到最後佢今日去到都無出到出~企左咁耐白費心機~換返衫就回程返公司.嗰時已經10點幾lu~搞到10點半先走得.

飯都未食,諗住去買碗粥返屋企食啦,點知果邊d舖停電,今日研究竟發生梼!?咁K仔~

☆April 05, 2006★

April 05 [Wed], 2006, 2:33
今日係清明節,8點就要起身,仲要早過平時~,join埋亞哥亞嫂就一齊去拜山,雖然家姐結左婚可以唔駛黎,但今日家姐同姐夫都有一齊黎,嘩~今日勁熱呀~係咪已經夏天啦!?又晒又熱~ 拜完之後去左食野~爸爸返左屋企,我地就去左太古行街,今日曉琳好似大個左好多咁呀~話說我地喺吉之島行行下,曉琳見到d風褸,竟然無啦啦話”呢個啱爺爺”跟住就走左埋去d褸到~嘩~如果爺爺在場,一定冧晒~之後同佢去睇衫,佢又睇埋一份~仲話”啱啱bb架?”真係好可愛呀佢~今日講野有文有路咁~哈~

行完太古,我自己一個就去左銅鑼灣行,最主要係因為過開黎咪諗住去修眉~修完眉就去買件斯斯文文既衫,因此星期5要去人地annual dinner出event,公司指明一定要著斯文d, Oh~咁多年黎都係著t-shirt&牛仔褲,邊得黎搵d斯文衫呀大佬~好不容易咁買左幾件衫,仲買左個斜菟orter(其實之前都想買細細個既斜悼ヒ啦,不過上次去無貨去買左個大個d波波點,今次見到有都係忍唔住買左)亞毛,我下個月一定會努力d save money架啦~hehe~

之後去左$10店買花盆,之後諗住去日本城買d泥土啦~因為我要為我盆花花搬間大d既屋~點知,銅鑼灣嗰間無得買~咁點算呀!?打比亞sze同靜儀問,佢地都唔知,唯有去幫媽咪買野先啦~弊!close左,都無諗過會咁早close(8:30pm),只不過遲左少少(5mins)實比亞媽話~之後就嘗試去鵝頸橋嗰邊d街市,終於比我買到啦~

嘩~好累呀~

☆April 04, 2006★

April 05 [Wed], 2006, 2:03
今日係4月4日兒童節,如果自己仲係兒童就好啦~唔駛咁多野煩~

好唔開心呀今日,因為公司又有同事要走呀~繼Ivy同亞Ling,而家到DaDa~傾得埋嗰d都走晒,我以後點過呀!?做左3年,又唔係做得咁開心,做野又有d壓力,公司d人又成日轉~係咪時候要認真諗下離開呢但自己又成日懶懶行~每逢有人唔做,都會去諗下,但始終都有份工在身,好難”的”起個心去搵~成日都驚出到去,唔知第2個環境係點~如果告辭左先去搵又驚唔知幾耐先搵到~每次見到公司既流失量咁大,都好想走~究竟呢間公有無何以留戀既地方我都唔知~唉~

PS:聽朝一早要去拜山(清明節),要早d訓啦~唔係會變

☆April 02, 2006★

April 03 [Mon], 2006, 1:44
今朝9點幾明明醒左都唔想起身, 灘喺張床到斷斷續續咁訓到12點幾先起身落床~整返個router上左一陣網(尋晚亞哥拆左個router上去試機)之後亞媽話落去啟田食野~行咁遠…唔多想去,所以無同佢地落去~點知過左一陣打上黎,話無落到啟田,只係落樓下食,雖然都唔係好想出街,但…近近地就落去啦~

唔知點解,今日做涛s無乜mood咁~好ョ~涛s唔想做~想上網整下個xanga啦~之前開左個,無用到,而家用唔返,前幾日開多個,諗住整靚靚將d日記搬過去啦~整整下又唔想整~

之前個HP d link死晒,諗住整返佢啦~點知今日上到去個HP到又無事~好彩,如過唔係就煩囉~見個HP無事,亞哥今日又搬返佢寄宿係我房嗰2大箱野,心情好左d~所以執下間房啦~好野~拎走左d野,間房都大d呀~

食完飯佢地話要落惠康買野~…唔落得唔得呀最終都係一家大細落晒去入貨.買左好多野~有米啦,油啦,醬油等…仲有好多~好彩而家咁方便可以送貨,如果唔係!?睇下你地會唔會仲買咁多野~哈~

返到黎無無聊聊都唔知自己想做冬打下日記啦~

今日成日都唔知做無乜心機~可能諗起聽日又要返公啦~哈~

☆April 01, 2006★

April 03 [Mon], 2006, 1:35
今朝又遲左出門口,成8:50am出口,仲要今日一早會有人上黎拎野唔遲得~ 一落樓諗住博下行快幾步搭MTR啦~得知行唔夠幾步就收到公司打黎~唉~唔搭的士都唔得啦~返到去個人已經企左喺門口~好彩係搭的士,如果唔係實比人鬧~ 由於老闆今日無返黎~大家都幾準時走~我都1:30pm閃~之後約埋亞爸,亞媽,契媽去飲茶~(當然唔少得曉琳啦~)

飲完茶,我同媽咪帶曉琳去匯景玩~曉琳真係好無耐性架~又唔專心喎~玩緊一樣野既時候,又望住另一樣,玩一陣又要玩第2樣野~每玩一樣都唔知有無3分鐘(正式得3分鐘熱度)唉~第時返學既時候都唔知得攪一見到人地玩緊波(無論係),就跑埋去人地到~曉琳~你係女仔黎架,仲乜你咁男仔頭架?

返屋企既時候又唔肯行,行唔夠一陣又要抱~雖然佢係比起同年既小朋友細粒,但係要抱住佢黎行都幾係野~手都軟~

亞媽話嗰時我地3兄妹都未有一個曉琳咁難攪~希望我第時d仔女唔係咁啦~


2006年04月
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
最新の回應
アイコン画像Wing
» ☆Oct 23, 2007★ (2007年11月01日)
アイコン画像mIE
» ☆Oct 23, 2007★ (2007年11月01日)
アイコン画像kawing
» 日本棉花ケーキ (2007年09月01日)
アイコン画像momo
» 日本棉花ケーキ (2007年08月22日)
アイコン画像mie
» ☆Jun 01, 2007★ (2007年06月05日)
アイコン画像堀江です
» ☆April 17, 2006★ (2006年05月03日)
アイコン画像mIE
» ☆Feb 16, 2006★ (2006年02月19日)
アイコン画像mie
» ☆Feb 13, 2006★ (2006年02月15日)
アイコン画像mie
» ☆Feb 10, 2006★ (2006年02月11日)
アイコン画像mie
» ☆Feb 05, 2006★ (2006年02月07日)




プロフィール
  • プロフィール画像
  • アイコン画像 ニックネーム:wing0222
読者になる
Yapme!一覧
読者になる