又過一日 

January 13 [Thu], 2005, 0:13
今朝晨早同呀媽呀公飲茶,好耐無飲過了,好掛住d腸粉呀,不過最終都無食~~~~

跟住就同sarah,peony,agnes去左荃灣唱k,也揀左首歌去參加歌唱比賽,哈哈~~~好鬼驚呀!

今夜可以見到you,好掛住you呀成兩日都無見了.......去左食意大利野,睇黎you心情都好似唔多好......成個苦瓜呀!買了我最愛吃既蝦糖....好開心

原來一起鬥讀經都唔錯,起碼我地都睇到超過二十章了,好開心呀.....一齊追求....哈哈...我唔會輸比you既......唔知d組員讀成點哩?

要開始想下d功課點做.....因為今個學期既功課真係好難.....我唔想我既gpa那麼低呀

小組Dynamic 

January 08 [Sat], 2005, 0:39
今日係小組組聚既日子,預備左好多野丫....希望d組員享受與開心啦~~~~~~~~~~~~~~~~~~~~~

今年特別既係有組歌同組訓,令組員仔都能夠今年"生命像主,多結果子"一起追求啦~~~跟住梗係狂食野既時候,我發覺我d組員原來整野食都幾叻,哈哈....

最愛既係羊羊:雞翼;還有joanne既意粉;沛N既楊枝金露及雞糸良伴;apple既愛心0者喱糖;wins既"天天有魚"三文治;當然唔少得我既菠蘿腸仔啦~~~嘩哈哈......真係好鬼開心哩......謝謝麵麵既勞力幫手買野啊!原來數數下,我地組都有成9個人出席,作為小組長,真係感到很開心啊!

在車上,聽見你說會今年次次都番團契,真係好開心啊!好知己,要繼續加油啊!

可能你未見過我帶組認真既樣啦~~為了這樣,我很不開心,是我不適合做組長嗎?還是要改善一下?我真係唔知道啊!不過,眼見大家既積極與投入,加上有新人加入,真係好開心.......原來.......我事奉真是很快樂啊!

與車生活 

January 05 [Wed], 2005, 21:51
今日用左好多車錢,好慘呀!

今日一早就九點起左身,去做物理治療,多謝子健help我還書呀!跟住比物理治療師按摩,就痛死了!

之後同衰豬食飯,可能好耐無見的原故,加上之前又鬧過交,有點怪怪的感覺,好似好耐無見....去左食燒味飯,好好味,不過幾貴

又乘地鐵去交grant loan form,點知都要再交多次,因為個影印影得唔好!好灰,其實我覺得係因為help我check果個人麻煩,攪左成個鐘了,又係時候去補習,苦!

原來知道you去左同人玩,真係好唔開心架,可能我係屋企都無祷~~~好慘

今日買左本書,唔知幾時開始可以睇?又睇中了一本想送給他的書,希望有錢買la~~~

很累呀! 

January 04 [Tue], 2005, 23:42
今日又要番早了,真係好辛苦,又要上堂合眼訓..好慘

今日番八點半學,仲要放五點半,放學後仲要去補習,好累了,很想休息再放假

看見今個sem既功課,我就好驚了,因為實在太難,又好大型....真係冇盗S機做...唉

星期五終於有節目啦~~~好開心~~

明天又再睇醫生,唔知幾時可以開始唔駛睇

補習的差事就來沒有了,我既生活點算好???又要再找另一份補習,心情很沈重...唔想鬧交呀

開始習慣平常既生活,忍受下掛住既感覺,哈哈

今晚與知己傾電話,真係好攪笑呀,無論點樣我都會支持you,我想you開心

黎緊星期六還未有頭緒,求主幫助我!!!!!

新一年新開始~~~ 

January 03 [Mon], 2005, 17:50
謝謝紫玲幫我開個另一個日記,令我再擁有新的日記...新的一年新的開始....哈哈

今日都幾忙,因為一早就要番學,勁唔想起身,番學番到七點半,都幾慘架...不過有得讀書係幸福既事來的,感謝主!不過d堂都算係幾好,不過可能因為第一日番學,所有有d合眼訓啊

今日上普通話堂...真係差勁..要努力先得了

要參加歌唱比賽嗎?一世人係要豪一次..哈哈

期望睇“歌聲魅影”....希望快d有得睇啦

盜海豪情~~灰爆 

January 02 [Sun], 2005, 0:26
今日是主既日子,當然要返崇拜敬拜神啦~~~今個月我食左兩次聖餐丫.....因為我尋日要派餐,哈哈,如果可以日日與主同桌都幾好呀!多d思念主既愛麻....

跟住去左少年部食野,放心啦~~唔好將它放得太重,你還有我們好知己,別放棄我們啊!為了你唔想太唔開心,加上見你想喊咁既樣,我就唔忍心丟低你一個面對,於是我地就去左睇戲,原本諗住睇歌聲魅影架麻...點知冇位,咁就睇左ocean's twelve,超悶,未試過睇戲睇到訓左成一個鐘....哈哈....加上又唔知佢講刀C情節又好亂,真係冇心機睇了.....下次...都係唔睇你提議果d戲啦~~~

可惜睇完戲你就要走,好唔捨得啊!咁難得先至見~~~謝謝lesley+江仔送我去搭車啊!多謝你丫~~鯊魚小姐!!

灰心既人群 

January 01 [Sat], 2005, 0:11
今天是05年既新開始,當然不少有團契相交時間啦,今年我地果子puzzle冇左兩個組員仔,都有d失落架...好似剛剛建立好,又要走,不過又多左兩個新組員:沛N同丫ray啦~~~開始感到有d壓力添!!

當中也聽到不少闌セ闌黶C也帶來不少團友誤會我地....有d心灰!
我重申聲明,沛N入我果組係因為平均番L-square姊妹既人數,而patpat要調去L-square係因為apple將會調入我果組,pat都唔想調組既,他那麼投入我地組,我又怎讓他走呢?這樣果子puzzle淨番丫麵麵一個男仔,無何奈何之下才調丫ray入我果組,大家認為還有哪位弟兄肯or適合入我果組呢?所以請你地唔好再講"伉儷小組"等字語,令我們十分不開心,你們不體諒與誤會既出言令我非常失望啊!大家是一家人,何必要再這麼講哪幼稚話?何況與現在面對著海嘯既人相比,自己有否反省自己呢?

你們何時才會成熟?新一年不是要好既開始嗎?

浪茄之第一天 

October 04 [Mon], 2004, 10:49
在青牧出發,搭了1小時的車程去到東霸,然後辛苦地行了半小時的山才到浪茄

一進門,看見那些字"互相幫助,愛中建立"就是互愛的弟兄用草剪成的,好靚丫
然後那裡的弟兄主動地與我們say hi,我甚是緊張,沒有理睬他們~~

跟住就開始學習起營了,今次終於一嘗露營的滋味,我們合力起了六個帳篷,嘩,原來好大架....諗住會我地四個女仔一起訓....放下行李後便去食飯了

諗住去廁所,但看見原來廁所是十分簡陋,我想我晚上不會再去了,留待沖涼先啦

那裡的弟兄所煮的食物很好味,原來他們用柴來煮食,也得知他們會上山拿柴和劈柴,真是辛苦啊!那種的柴味,想起我以前細個婆婆在木屋煮食時的場境,好香丫

食完飯後,我們便有安靜退修既時間,可是突然刮起大風來,不能到沙灘了,大雨拍打飯堂的鐵蓬,發出響亮的"滴、答"聲,令大家也難以安靜在神面前,不過就算沒有風吹雨打,我心還是未能安靜在神面前,因為我記掛著太多東西了~~

心中不斷想著我們的帳篷會唔會跌、今晚點訓?我地既行李會唔會弄濕了?還有博文的事、點沖涼、好鬼凍....等等

結果,我們的營全都入滿水了,我負責入營取出我們的行李,一踏腳進去,腳都濕透了,就連我們的行李~~~也遭殃了!我們今晚只好留在小禮堂訓覺,可是已接近十點了,十點他們會熄晒全村的燈,沒有電供應。我們到了小禮堂,大家都發覺所有的衣物的濕透了,真是不知點算啊!執執下野,拿衣物出來晒晒,跟住突然熄燈了,只有暗暗的電筒光線伴隨~~~實在忙亂~~~

跟住就開始要執野沖涼,我同大豬、穎珊一齊去,那次的沖涼令我畢生難忘,在漆K一片中與小昆蟲一起沖涼,還有襯托著寒冷的北風,加上樹搖呼呼的風聲,與那若雪櫃裏的冰水結合,實在太可憐了,我還給穎珊的嗚嗚聲嚇親,眼淚不禁流下了,因為實在太驚了,當然我要飛快咁沖~~~沖完後心情也難以平服,好想走啊!好掛住屋企果張棉被、熱水爐、電燈~~~~原來這些不是必然擁有的,此刻也想到那裡的弟兄是多麼困難與辛苦啊!

天突然番起北風,好凍好凍,我們訓覺時只得一張墊在地上,枕頭、被鋪也沒有,只有我們之間的體溫,好凍好凍,好慘好慘~~~

彷然想起主耶穌沒有枕首的地方,仲要係冬天,真係好凍!主啊!多謝你的拯救!原來是辛苦的~~~

浪茄之旅 

October 04 [Mon], 2004, 10:48
一連三日既浪茄生活終於結束,在那裏我發現了自己很多東西~~

看見那些弟兄,不其然想起我中二果年去戒毒村的心情,從前我是非常害怕接觸他們,他們面黃骨瘦,看我的眼神是那麼深層鬼秘,我抱著戰戰驚驚的心情入去浪茄

可是我發現他們並不可怕,他們全是大隻佬,K實實,笑容滿面,愛好傾計,還帶有基督那種的溫柔、忍耐與接納~~~我實在好奇~~

浪茄那地方很美麗,原來全都是他們一手一腳所建做的,四面都是環山,全部是獄油的植物,我未曾看過或到過那麼酷I世界,不禁讚嘆神的創造是十分十分美好

聽見那裏弟兄之分享,深感他們在這裡居住的辛苦,我覺得如果比我長期住在這裏,一定會磨練好的屬靈氣質,也感到與神的關係好點,神好像眾山環繞我~~~太好了!突然感到主耶穌在山上獨自安靜祈禱,原來是那般享受與舒服的~~見主面啊!

神也給恩典予弟兄,讓他們有美好的海灘,那海灘水清沙幼,像去了泰國的布吉島,雖然我未去過,但團友佢地這樣說的,那裏真係好靚,未見過丫~~~神好勁丫

煩惱的中秋節 

September 30 [Thu], 2004, 10:46
今個中秋節終於唔駛一個人對住屋企人過啦~~回想前果幾年,雖然中秋節係人月兩團圓既節日,但我並沒有這樣的開心與心情,還記得次次去黃金海岸,都大為矛盾與唔開心,因為去既人令我想起自己那麼孤獨(爸媽、哥與哥gf、表哥與表哥gf、舅父與舅母),幸好今年終於一洗前哀,唔駛再一個人過啦~~~

今個中秋節,有很多團友仔陪我,也有男朋友仔陪我丫~~心情十分開心,可是有一兩件事令我十分煩惱及掃興

1.好兄弟有異性冇人性~~~莫視我們三個女仔的辛苦
2.冷漠無情、態度勁差的弟兄

雖然中秋節是一個開心的節日,但我心仍是嬲惱~~
到現在我還未平伏,未接受到他原來拍拖後是這樣的人~~~唔想同佢講野了

多謝你送給我的白兔燈籠,多謝你帶給我幸福~~\
多謝神給我咁多好的弟兄姊妹,讓我開心地過了我的中秋節啊!

月光份外皎潔、月亮反映了我的心情
今次真係人月兩團圓了~~~
2005年01月
« 前の月  |  次の月 »
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
最新コメント
プロフィール
  • プロフィール画像
  • アイコン画像 ニックネーム:square013
読者になる
Yapme!一覧
読者になる