有價值的一日 

March 18 [Fri], 2005, 1:54
今日是星期四,我在七點十五起身…我洗臉擦牙換衫就連忙拿了田徑衫褲鞋,
怎料褲子還未乾…如果當時我不出門口會遲到了…就除手拿了床梯浪著的adidas長運動褲走出門口!去到巴士站幹車,85A以走了…我想有一半機會遲到…幸好數分鐘後有嫁82M,來到@w@總算平安到達學校=''=努力地上完三堂WanWan的呢神靈堂後的小息,我send了一個短訊比一個新的女網友,佢竟然打比我!我同光一齊走左出去後樓梯講啦,點知WanWan係後樓梯行出黎…我好機靈地返回班房,可惜打鐘了…我只好和她說我要上堂,遲D再找佢…<我係問佢上緊涛ー,佢打我講佢今日唔洗番>之後給了我們全班有兩堂的時間休息,因為物理呀sir又唔係到<第一堂代課的馬小玲,我班人玩得好開心,我和光、希打算再次打果個女網友傾計,可惜她說遲d先打番比我…完果時didi同"釘了"發生口舌同打鬥,不過唔關我事…第二堂係miss"心"代堂,我地就要好靜咁過這堂,可以玩…不過太限制了,我只好做數學功課>Lunch時<有好人黎學校考會考>去買豆漿,個紙杯印左什麼咖啡,真有趣-w-''地下的男更衣室其中一個水龍頭被膠袋物體的東西封著,我也差中計…一按的話會爆出水而四散!有不少人也有中招#w#<今年年生會好唔添,D野做得好差=''=>上完悶悶的電腦堂後是我地中文見習老師miss"五"的最後一日,順順利利教完一課講竹林人家嫁書後…最後一堂陪我地影相,我們簡直瘋狂的影,我也和她有合照呢~佢請我地食珍寶珠同比E貓我地就同佢講bibi了…放學!尼奧陪我去左找王國才老師教我整版畫,到左5點…我開始田徑練習了,無返兩次個人都The哂皮…好倦咁加少少頭暈…都係腳指公唔好吧…練習完畢!我、光同肥文玩左陣影相後就同聽日就畢業的from5師兄食飯^ - ^去左海達度食,我、光、肥文、尼奧和緋紅座係一齊,我又見以食中式煲,每人叫一個,大家食到好飽…之後大家就係度傾計…傾傾下佢地係度講鬼,我也樂意地…好倦聽日打……

兩年嫁總結… 

January 31 [Mon], 2005, 2:34
<太>天晴 心情: 不快!

我好耐無來過,我整的e個網,看看上一次寫的日期是几時…… 17/10/2003,成年有多了。e一年發生左不少事,有開心有唔開心…不過我自己都改變左几多野,外表<發型,打份果類>、新認識的人<王堡、肥文、啊徑、七頭、頭皮等…>體能方面<練左田徑>最重要的是,當然是用勇氣來認識的雯吧!還有欣和珊吧!今日系家長日,今年系第一年高中生活,我是讀4A班。到現在,真的有點後悔會去左E班!重點是不能和雯同一班,我那班全是男生一班令我懂得珍惜有女同學一齊上堂的日子…加上一科Amaths令我成拉到我的平衡分一落千丈=''=英文中文的成績都不太好,E個下學期要加把勁<呀哥找人幫我補,多謝~>我E下半年一定要學識玩結他!今日去家長日時呀媽又在邱金虛買野,在義賣花花的桌面站著前就是我得上眼的前D連的女同學,雯也在呀…我一定要微笑著,我并不懂得對女生說話,不過我做到微笑算好了…之最我無一聲說再見就走去了。去了官塘買衫,不過店還未開,買左本Bio4攻略上去了飲茶。等位等左成七八個字,我在看本攻略。買左一件jaket,好靚啊!媽去家姐度,兵就番家了和緋紅等人打Rainbow6玩左成5、6個鐘,玩完就好想玩Bio4Bio4Bio4Bio4Bio4Bio4Bio4Bio4!好想玩 呀!正呀!快D有得玩就好啦>,<訓啦.........

不明飛行物體事件! 

October 17 [Fri], 2003, 2:24
天晴 心情: 不錯!

放假了><有時間玩電玩!畫漫畫><有好多功課做…今日在校中發生了兩件不明飛行物體事件!在分班上的數學堂,是全班女生同我和兩位男同學上的…差十分鐘就落堂時,一隻不明飛行物體突然在班房盤旋!女生突然尖叫!好大隻飛蛾呀!我看清楚了!是一隻雀仔,雀仔想向著窗門飛走,可惜原來窗早以關上了…Bom!雀仔墜落在木台下…老師叫一位男生<不是我>"打開窗口,把暈了的雀仔放在窗邊。打鐘了,一位女生沖去窗口那邊,雀仔受驚到即時飛走,真好!小雀仔無死到^^

在尾二的コ育堂的最後五分鐘左右,第二件不明飛行物體事件發生了!這次是一隻蜜蜂<唔知当蜂>飛進了我們班房,這今次蜜蜂就不好彩了…全班3D班男女同學都在的時候,被一班貪玩又暴力的男同學,一手擊落蜜蜂!暈了的蜜蜂被樂位好暴力的同學用椅腳壓成屎餅!還不夠!壓多幾野!像HL般血肉飛……

今日都好多笑野,我在學中影了幾張相,在家改了一副圖,粉好笑;><"想看在ICQ叫我!

過去的某日… 

October 16 [Thu], 2003, 2:13
天晴 心情: 一般

整網中……無時間玩電玩!畫漫畫><

要快手做了,加油!!!

還要做功課,不過番多日就放假了~ W ~

2005年03月
« 前の月  |  次の月 »
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
最新コメント
プロフィール
  • プロフィール画像
  • アイコン画像 ニックネーム:roto916
読者になる
Yapme!一覧
読者になる