新年過後,這個星期五六日又有婚紗展今天我們打算去買上次睇中的結婚介子
同行的還有媽媽,她說未見識過也想去看看
總不能次次都潑她冷水,度度都唔俾佢去
而且介子也是她送的,就一起去吧
去到都唔算太多人,行到3點
我地就睇show唉,今次多數都係旗袍,所以開頭都幾悶
後尾好彩都有返d婚紗睇
不過都唔係好o岩我style
唯一吸引我的
竟然是這個model手上的公仔
很可愛啊
,令我也想做一個去影相
這位model還有點像韓國人
令人驚訝的是這件完全透的婚紗
成件都睇到晒model的上下內衣
不過其實個款又真係幾靚,打返個底就好了
另外這件釘滿花花的都靚
不過都唔勁得過呢件將d花
釘到成條密密麻麻
我媽說很像長洲搶包山, kakaka
睇完show我地就去pn攞籌買介子
呢個時候多左好多人
仲俾我發現到日本果間i-promi都有來擺
我最愛佢果隻粉紅鑽+白鑽
點知叫店員拿來一看,嘩粒粉紅鑽淡到唔覺粉紅
仲要係超細粒,粒白色主石都係細
同出面周生生果d二千幾蚊貨仔差不多大小
但呢度賣成8,9千蚊一隻,對呢間野即時失晒興趣
係pn等左好耐先到我地
今次呢個sales姐姐好多口
我地一心諗住要返上次果2款,
我v型,大魔王光身珠邊的
唔係一對款來的,係兩個款來的
上次個姐姐都話好多人都唔鴛鴦款
但今次呢個呢,就屎都話結婚係要一對
仲猛話我果隻會界手,會唔舒服
又話要同老公一樣俾人知道你結左婚,唔係老公會嬲
我對住你真係嬲啦,就算我買一對款
如果老公唔係同場出現,人地都一樣唔知我係結婚介子o者
真係想出聲話返佢,你當我無惱呀
我打算要返果隻,因為可以同求婚介子合埋一齊戴
佢又話我求婚果隻戴中指先好睇,
叫我v型平時戴,結婚就選同魔王一對
我真係唔係幾鍾意呢個sales
佢知我地去台灣影相
,又懶醒咁提我地記得叫佢影多d大頭相話佢個fd去台灣影完影到全部都係遠鏡睇唔清個樣
我心諗,你都痴o既,去台灣影大頭影唔到d境咁我仲洗咩去台灣呀
我唔好係屋企影幾張大頭相,我果間遠又有近又有的
我一路試介子一路忍住唔出聲
媽之前都話買一對款,不過佢當時都無出聲
我話介子最重要係意義,款式一唔一樣唔重要
最後我都唔理佢講咩要返我v型果隻
我無理由要隻唔鍾意o既日日戴住
不過大魔王最後都改變主意唔要果隻珠邊光身
要左隻圓光身有石的,埋單同我地預算差不多
臨走打算去返holala book試裝,因為只係200咋
可惜無我期,算lu
之後再經過star avenue
雖然佢次次都係度
不過我又手多多走去拎人d婚紗睇
皆因我上網
睇過幾間就只有star avenue被我看中成4,5件婚紗
一直不敢去看是他們價錢太貴
睇睇下衫就有人來招呼了
原來這位姐姐是負責試衫的
她給我看了幾件新衫
其中一件我地三人都認為幾好幾靚
就係咁又坐底左睇下相簿
晚裝只有一件喜歡
但她卻一來就sales我最貴的1紗2晚+1男禮的package
嘩,真係眼都突埋
原價12999,特價9999
9999唔係嘛,用成萬銀租衫
之後我媽都出聲話貴,佢就話就o黎收檔6999平俾我
心想6999都貴啦
,可況我未必選到2件晚裝咁多佢就話而家俾一半訂,到時選唔到再轉返另一個平d o既plan
仲話如果咩都選唔到訂金可轉返其他消費
在她又去取相簿時,媽細細聲說6999都ok
之後又是漫長的拉鋸
,我地要佢咩都包仲要佢
寫明係張單度,我媽仲搞笑果個姐姐話自己叫阿容,我阿媽話我叫阿蓮
我就話加埋就係蓮容囉
,hahaha(我們這幾位客人真難頂
)玩到咁,最後緊係俾錢落訂啦
走的時候真係好肉痛
,又嚴重超支了
,連卡都碌爆埋
我媽反說"係咁o架喇"不過佢呢間好o野o黎
佢d款我都幾鍾意
,唔同出面果d大陸貨
說實話我在
雜誌+網上睇中佢唔少款, 已經入晒惱了心中已預選了這間
,一直都只是價錢
問題我不像人家要擺酒
,一晚換5,6套衫所以我選的都一定是要最喜歡的一件
而且阿容說她們店最多就是蝴蝶結
款很開心
,的確我之前看中她們店的全都是蝴蝶結款
佢仲即時幫我hold起頭先件婚紗同一件之前在雜誌看中的晚裝
佢話呢件婚紗都係新,新到還未編number
在單上都只係寫住新款吊帶蝴蝶結這樣
其實選婚紗店睇款睇價錢都要睇服務
之前在網上見人遇到d黑d真係幾煩
而且一直煩惱去邊度邊度睇,邊度租呢件邊度租果件很煩
雖然肉痛,不過婚紗方面而家安心晒
很多謝媽媽又俾返錢我,唔係有佢幫手
樣樣超支我真係搞唔掂
[ この記事を通報する ]
- URL：http://yaplog.jp/queenblog/archive/136
ニックネーム：queenblog
