微雨 

2005年02月03日(木) 20時49分


今日呢個時間表都幾煩下,因為有堂岩岩編左係12:30,搞到唔知食唔食好!最後我地師兄弟決定左約早一個鐘出黎食飯!

今朝一起身,就走左去打天堂,打到咁上下就出門口!但係落到巴士站,架車岩岩走左,所以就改搭火車喇〜既然搭得火車,就約埋師父一齊搭!去到約定地點,已經見到BENNY,ANAKIN同大師兄係到喇!最後我地去左好耐無去過既大家樂食LUNCH,食完就返學校喇〜

第一堂係數學堂,主要都係講返上堂派既NOTE!之後再派多幾張比我地做,我地話咁快就做晒喇〜之後就自己係到吹水,完全無理到佢!落堂之後就去左休息室鋤DEE,今日既手風超順,連羸5,6舖!到夠鐘就上堂喇〜

跟住上既係ICP,入到課室點完名之後,就轉左去第2間課室到,學D係OFFICE會應用到既機器!基本上呢1個鐘係用黎玩既〜之後就落返去原本既課室上堂,我就係到上網睇下天堂既資料!臨落堂前做左個好無聊既EXERCISE,交完就閃人喇〜

微雨 

2005年02月02日(水) 20時30分


今日既英文堂,繼續講返琴日教過既野!今次呢個oral有好多都可以應用返以前教過既野,不過個intro就唔同左,同埋要講多d野!教完我地之後就叫我地自己同partner試下做一次喇〜

正當我同benny度緊應該點講既時候,阿nat就走左埋黎問我地識唔識,之後阿nat就叫左我同佢試做一次!做完一次之後,我發覺我已經有好多野唔記得左,好似唔記得d句型,唔記得repeat返個msg…睇黎都要練習多d先得喇〜

上完之後就去星仔到食lunch,點知full左,我地只好掉頭去返ok到食!食完都差唔多夠鐘喇!因為以後星期三都係得1個鐘比我地食lunch姐〜
之後上既係數學堂,今堂係由以前ITA個阿SIR教既!比佢教真係超正,因為佢好似唔係咁識教書咁,上佢堂可以唔使理佢,自己做自己野!以前比佢教果時,佢見我地做晒D堂課,就完全唔理我地喇,做涛s唔理!正〜

 

2005年02月01日(火) 20時15分


其實今日都幾無聊下,因為今日only要返一節,即係2個鐘…返完就可以落堂返屋企喇〜你話幾咁無聊呢!是但係唔返又唔得喎…你話幾咁無奈呢〜

今日要返果科就係英文喇!新學期,新開始!一上堂阿nat就同我地講番上學期第一次英文test既最後成績(以前講果個係未confirm),佢讚我地班既成績係全個form既頭3名,講真果句,阿nat又真係教得好好,真係唔合格都對唔住佢喇〜

而我既成績亦考得相當唔錯,listening有2A,oral有2A−
講完成績之後就開始正式教書!一開波佢就同我地講,黎緊無耐就有第3個英文test!而今次又有oral,亦係最煩既一科!雖然唔可以講得算難,但係就要花相當多既時間去練習…

講完之後就正式開始抽籤喇〜一到抽籤就到最緊張既時候,因為唔知會抽到同邊個一pair,如果抽到件「極品」就大鑊喇…到第7pair既時候,終於抽到我個名喇,但係會抽到邊個呢…就係我寫緊自己個名既時候,「Benny」!正!可以同benny一pair,總算唔係同極品一pair!但係大師兄就無咁好彩喇…要做最後果個dume(唔記得左點串…),最後佢揀左debbie做partner!之後就正式講個oral喇!阿nat首先派左d note比我地,講左一陣之後就夠鐘落堂喇!我地一齊食埋個lunch之後就返屋企打機lu〜

 

2005年01月31日(月) 20時13分


今日係下學期既第一日,但點都估唔到第一日返學就遲到…

話說今朝如常搭巴士返學,但係去到大圍附近時,架車就一直停左係到−整整停左15MINS!搞到我下學期第一日開學就遲到,真係唔「老黎」!
入到課室,第一科上既係新科−「LIFE SKILL」,個MISS都係未見過既!呢科係唔使考試既,不過換黎既就係要交堂課同計平時分!但係都冇所謂喇〜〜︿︿

之後就經歷左3個鐘既LUNCH,我地食去完星仔食之後就去左機舖打機!打左一陣就返學校鋤DEE喇〜鋤到夠鐘就上堂!
之後上既又係新科−「ICP」,係由LIFE SKILL同商業果個阿SIR一齊教!呢課又係唔使考試,但係又係要交堂課同計平時分!

唉〜總之呢兩科就係好無聊喇〜!

 

2005年01月28日(金) 23時37分


今日係考試既最後一日,考既係商業!但係最估唔到,呢科係我溫得最耐時間,亦係做得最快果科…

今朝我9點就已經起左身,繼續溫書!雖然琴晚已經背左一次,但係總覺得好似唔係咁熟咁,所以琴晚就set定鬧鐘,早d起身溫熟d!溫到咁上下就出門口!係搭車既途中我就繼續溫書,但係今朝先溫既阿康就溫下訓下…佢都預左自己一定要補考喇〜

到考試時一睇,呆左〜份卷超級易,有d form1,2時候做既卷果種feel!果d short question係答個title,完全唔使解釋,超正!開頭仲諗住會好難添,睇黎都係自己嚇自己喇〜^^
考完之後就同師父去左黃金拎d電腦既leaflet,之後就返屋企繼續天堂2喇〜

 

2005年01月24日(月) 23時06分


呢個星期同上個星期一樣,都係返星期一,五!之但係今個星期既野全部都係要溫既,好似acc就要做數,商業就要死背…

今日考acc,係之前幾日我都有乖乖咁做數,但係都仲有少少唔識做,所以今朝就約左眾師兄弟早幾個鐘返學校做數!10:30返到學校,已經見到benny同anakin係到做緊數,原來佢地9:30已經返到黎喇〜我到左無幾耐之後,大師兄亦到左!我地見師父未到,就唔等佢開始做數喇!等左一個鐘都未見師父出現,所以就打比師父,原來佢唔知醒…不過就call左佢出黎食lunch!

溫左差唔多兩個鐘之後,見好似識晒所有題目之後,就去食lunch喇!先去星仔記同師父會合,食完之後就返學校等夠鐘!入到試場,今次係一個唔識既阿sir監考,不過睇起上黎都係一個唔錯既阿sir!開始做既時候,題final acc做極都唔岩,好彩改左幾次之後都做得到,其他果3題都唔算太深,我諗今次要合格都應該無当竭閨I

考完之後就陪benny去左黃金買ram,而佢原先果條256就sell左比大師兄,所以就買番條512!買完之後再陪我買DVD−R,順便買埋個handfree for打機用!買完之後就搭車返屋企打機lu〜^^

 

2005年01月21日(金) 20時26分


呢個星期only得星期一,五要返去考試姐,所以呢掛都無乜點寫日記!還望見諒!

自從星期一考完英文之後,日日都係到打機,沈醉左係天堂2既私服中−完全無溫過書(都有睇過一兩眼既…)!不過今日考既都係中文,加上又無好似會考咁要背課文,所以都無乜點睇過〜

So,今日搭車既時候就係到溫note喇!溫左9個字左右就睇晒,之後就合埋眼抖下喇〜返到學校,先知原來有好多同學都係日日打機,睇都未睇過= =b!到派卷既時候一睇,都唔係好難姐,大部份都識做!做左個零鐘就做完,跟住就同benny係出面等埋師父佢地!等到人齊就閃人喇〜

之後同上次一樣,又去左ok到食lunch,食完就齊齊返歸玩天堂lu〜不過玩埋今晚就要收手喇,因為下個星期果d好多都要溫,睇黎要努力努力喇!!

 

2005年01月17日(月) 22時47分


今日係ive正式考試既日子,我當然早有準備喇!

因為係下晝考eng既關係,朝早就用打機黎relax一下(不要打臉),食埋個lunch之後就出門口喇!
係搭車既途中就係到溫英文!返到學校見到阿nat,佢叫左我地 埋去,仲叫我地溫熟d discourt,咁即係有野喇〜^^

到夠鐘就入去試場,監考官係教我地ita個miss!呢份卷比想像中易好多,因為我地做過d有90%相似既練習,真係要多謝阿nat喇!不過最慘既係,我竟然一開頭唔記得寫「Dear Sir,」,真係失敗……算喇!我諗我都會有lv2既〜

放學之後就同師父&benny去左ok到食,之後就返屋企dl天堂II私服黎玩!一玩就上瘾,由9點零開始玩到2點先收手,大鑊喇!

 

2005年01月14日(金) 23時35分


今朝如常一樣搭巴士返學,同樣又見唔到阿康,又撞到川哥,莫非呢d就叫緣份(爆)!我地全程都係到溫英文,因為今日阿nat要問書,一路係咁溫溫到落車!原本1個字既路程今日變得辛苦無比,主要都係今日又再次返風,d風吹得超「行」,差d吹得郁我…唔好講笑!

返到學校,仲有3個字先上堂,無理由企係門口食風架…所以就走左去lib巴到取暖!等到差唔多時間就上去喇,點知我地仲要等多個零字先有得入課室,凍死〜
今堂英文堂主要都係同我地溫書,講返writing同reading,不過主要都係講返writing!因為上次我地做既功課佢對完之後,only得3個拎lv2咋(當然我係其中一個^^)!我要以lv2a為目標!原本上兩個鐘既堂,最後上左3個鐘先上完!

之後我地就去左星仔到食!食完之後,benny同大師兄去左hair cut,我地就去左機舖玩!一開波師父,川哥,阿康同展哥就埋首係高達到,仲玩得好激!之後我地就去左玩「找錯處」,點知玩既時候,師父手快快choose左「情色版」黎玩,超級搞野!

玩到差唔多就返學校,但係因為無dee既關係,我地又去左lib巴到!係lib巴磨到差唔多上堂就走喇!今堂ita係最後一堂,亦係test excel既日子!呢次test我only識7〜8成,好在有各方好友互相幫助,最後至可以依時完成!

PS:特別感謝川哥既幫忙!

 

2005年01月12日(水) 23時17分


今朝唔知做桃D鬼早就起左身,見無野做,就走左落床試下琴晚睇既遊戲王屈卡方法! 點知竟然真係work喎,所以就屈左個零鐘卡,直至夠鐘出門口!今日係架巴士到又 見唔到阿康,不過又撞到川哥,所以就一齊行返學校喇〜

返到學校見肚餓,又走左去locker拎餅食,之後就去左個露台等開門!等緊果陣,debbie問我拎左條locker,老笠晒入面所有野(餅乾+芝士條),原本諗住有芝士條食的說…
之後就上英文堂喇!今日住要係做reading,因為都有一段日子無做過喇!對埋之後就講返上次做既writing,之後就落堂lu〜

放學之後去左「聚旺」到食,平就平喇($16),不過最衰唔飽呢!之後就陪師父去左黃克競到拎cert,拎完就返屋企打機lu〜

P R
2005年02月
« 前の月  |  次の月 »
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28
最近留言
アイコン画像
»  (2004年10月23日)
アイコン画像ar kung
»  (2004年10月10日)
アイコン画像灝仔
»  (2004年10月09日)
アイコン画像fky
»  (2004年10月08日)
プロフィール
  • プロフィール画像
  • アイコン画像 ニックネーム:pong
読者になる
Yapme!一覧
読者になる