7月12 

2009年07月12日(日) 22時23分
剛剛同大美人慶祝左27歲既生日~~ 我諗我地都應該同對方過左都有十個生日喇~~
希望到十年後...我地仍然為大家慶祝對方既生日呀~ 今年為大美準備左一份好特別既禮物~
我將我地近年一齊留下既開心時光做成一個大相架~~ 大美收到都好開心...好感動~

我希望大美人永遠幸福快樂~~~

敗犬女王 

2009年06月07日(日) 1時24分
已經好久沒有追看台劇了..上一套看的..應該是"命中註定我愛你". 最近再激起我那鼓興趣是一套"敗犬女王" 敗犬的意思是年過30歲的女人, 生活水平高, 有自己的事業的單身女人.
這部劇,讓我有很大的共嗚..再過幾年, 我就30歲喇..那時候的我..還會是一個人嗎? 我會變成敗犬嗎? 我在想, 如果那個時間我有不錯的生活水平, 有自己的事業也不錯呀..至少我可以養活我自己吧...至於感情生活..當然我不想是一片空白...但是..緣份這回事..真的不是你想就會擁有的...

天呀...我不想做敗犬呀...我不想孤獨一個人過下輩子..我想有一個可以給我依靠的肩膀...我生命中的那個他..什麼時候才會出現呢...還是...跟本沒有這個人呢...


可是....我準備好迎接這個人的出現了嗎?

北騰飯局 

2009年05月10日(日) 18時41分
好開心..好開心..岑日見返一個好耐冇見既好好朋友..因為一d關係..我地已經有好幾年冇聯絡..岑晚見返佢..真係好開心..見到佢依家咁開心..咁成功..我真係好開心!! 佢大個仔喇..以前佢比我既感覺係好小朋友..成日都嘻嘻哈哈..成個傻仔咁..不依岑日聽佢講野..佢真係成熟左好多..知道佢依家係事業上既成功..我真係好登佢開心!! 更令我驚喜既係..佢今年10月就會踏入人生既另一個佳段~ 佢要娶老婆喇..哈哈~ 雖然呢件事唔係佢親口同我講..但係我都好開心..一個咁好既人..係應該得到佢應有既幸福架!! 我會永遠都祝福你~~ 大家咁耐冇見..唔多唔少都有ddd既尷尬..佢亦都唔係以前咁..同我地咁close喇..不過可能就快娶老婆喇..要收歛d既..哈哈..不過點都好喇..我希望我地永遠都係好好既朋友!!

YMCA 

2009年05月03日(日) 3時13分
前日..約左兩個好耐..好耐都冇見既ymca同學食飯..畢業後..大家都真係好少見面..只要敏儀係我一直都有保持聯絡既朋友..我同敏儀雖然唔係成日見..但係大家感情都好好~ 至少隔咁耐冇見..都唔會有陌生既感覺...呢d真係要歸於網絡既發達..將人既距離拉近...但係其實我成日覺得..究竟呢一種科技係令人既關係拉近定係拉遠左呢...當大家都只依ョ網上世界既溝通時..如果有一日..網絡世界消失了...咁人與人之間既關係仲可唔可咁保持聯絡呢..以前冇icq..冇msn既時候..大家就會打電話比對方..但如今呢...有幾多人..會用打電話既方式去關心對方呢..? 另一個好耐冇見既同學celia..其實對佢既印象係好少..記得我地係街遇見既時候..大家都只係知道認識對方..但就講極都講唔出對方個名..個種感覺其實好奇怪...
咁耐冇見..大家都係講下大家既近況..但估唔到..celia今次既然當左我地係愛情顧問..問左好多一d感情上既問題..佢同男友前幾個月分開左...一段12年既感情..都敵不過第三者既入侵...係人既問題..定係本身段感情有問題呢? 對一個女人來講..12年真係一段好長既青春..但係換來既都係被背叛...究竟呢個世界係咪真係有細水長流既愛呢...? 不過好攪笑...佢依家既煩惱並唔係因為呢個行左12年以背叛佢既男人..以係為左同一個比他年輕兩年既男人那段曖昧關係..其實...我開始覺得..有好多關係..有時未必要弄得太清楚...曖曖昧昧反而比較好...知道有個人關心自己就可以了..有時關係開始左..好多野都會變...包括感情...與其愛係咁冇保障...何必還要弄得太清楚......

思念 

2009年04月08日(水) 14時20分
人家常說夜晚常常會因為孤單而思念,身邊沒有他的陪伴,讓我晚上徹夜難眠,而我卻只能眼睜睜的看著腦海閃過的所有畫面,卻無法保留。思念並不能改變什麼。所以我只好強迫自己選擇離開去忘記,孤單拖著對你的所有記憶,而這記憶中的你我卻支離破碎...

原本以為不會改變對你的心,但是哭過的眼淚已經乾枯讓我失去知覺,時間久了慢慢的淡忘,讓心情掙脫愛情,就此隨夕陽埋進海洋,讓他沉在心底。為什麼愛情是這麼盲目,當初的感動沖昏頭,讓愛迷失在烏雲密佈中,隨風漂流,讓愛一點一點消失散落,慢慢的遠離被遺忘漸漸的不被提起而冰封...

自從上一段戀情結束後..身邊總有人對我說...你一定會遇到更好的..
而我總是對他們說.." 順其自然吧..我對愛情冇興趣..大不了..就自己一個吧"
其實...愛情對我來說...是很重要的...我很想擁有...但一直都是事與願違...
每次當我以為我擁有了..卻一眨眼就飛走了...
到現在...我只能選擇麻木的面對愛情...
其實我很怕自己真的會孤獨終老...我只是不想把這種被愛的渴求表現在別人眼前..
我對愛情冇興趣..大不了自己一個"..其實我最深處是想說...
我是多麼的需要愛情來為我的人生加點色彩....

曾經擁有 

2009年03月26日(木) 18時25分
原來已經好耐冇寫日記喇~~ 岩岩過左一個好開心既生日~ 其實並冇乜特別..只係幾個好朋友一齊食飯飯~ 打左幾圈~ 但係對我來講呢..已經好滿足~ 今年收到一份好有心思既禮物..係大美人送比我架..佢真係好有我心..真係好錫我..為左呢份禮物...佢真係花左好多時間..同心血..呢d係用錢買唔到架!! 我真係覺得自己好幸運..身邊有個對自己咁好既朋友..另外仲有一個美人..佢同樣都好錫我...之前因為有d誤會..我以為我地之間既友誼會因此已改變..但係時間証明左..我地既友誼係經得起考驗!!! 我真係好愛你地呀!!
唔知點解...係我地三個之中..我永遠都好似係最細個..最需要要人地照顧個個咁~ 大美同美人同樣都咁愛錫我~ 我覺得係佢地面前..我永遠都好似長唔大..永遠都係一個小朋友^^

美人開始計劃生bb喇~ 睇住佢地拍拖~ 睇住佢地結婚~ 依家再睇住佢地計劃生bb..真係每一步都好幸福..好替佢地開心!!! 雖然我依家仍然係自己一個..不過我開始唔再期望愛情...因為幸福我已經擁有...雖然將來可能只係得返自己一個...孤獨咁過麻下半生..但係我知道...就算無另一半既愛...我身邊既朋友..家人都會一樣咁愛我...既然我已經擁有了...何必咁貪心呢?

愛情...我還是不配...也許..曾經擁有過就足夠了~~~

青春不再 

2009年02月25日(水) 17時48分
岑晚睇戲既時候...入面有句說話" 唔好再等喇..再等你就老架喇"..聽到呢句說話..我佰般滋味在心頭..
好不奇然地...我又想起那個他..雖然明知冇可能..但係唔知點解..總係會偷偷地咁掛住佢..想知道佢既近況..但係我又會同自己講...明知冇結果..冇將來...點解仲要花時間呢? 點解仲唔徹徹底底咁清醒呢??
自己已經唔細..仲有幾多年青春可以花呢?? 既然一切已成定局..點解唔可以灑脫d呢??

我一定要放底..係徹底咁放底...我要打贏呢場仗..已經踏出左第一步..我要努力各前走..唔好望返轉頭..
所有野都已經過去..所有野都已經過去.....

寶貴的一課 

2009年02月21日(土) 16時49分
好耐都冇見過shirley喇~ 我諗都有3年喇~ 岑晚食飯..真係又食又拎呀~ 估唔到佢仲記得下個月係我既生日..為我準備左我最鍾意既朱古力送比我~ 我warm呀~~ 其實一直以來..我都知shirley好錫我架~ 只係以前大家係工作上既時候有d不愉快~ 不過都已經係過左去喇~
岑晚真係好開心..大家都傾左好多野..係佢身上學到好多野~ 依家獨立工作既我..應該要更加多多向佢學習呀~ 我都要努力呀!!

上次睇完流年~ 話我今年多事非..又唔好出夜街~ 小心過馬路~ 攪到我身邊d人個個都為我擔心~
其實自己都驚驚地~ 不過我係驚冇左份工咋!! 呢個時期..真係保住份工先係最緊要架!!

仲有呀..師傅叫我去脫墨呀!! 攪到我心大心細..其實自己一直都想架喇..不過今次師傅開到聲..就攪到我更加想lo~~ 點好呢..點好呢~

祝君好 

2009年02月05日(木) 0時29分
"只望停在遠處..祝君安好...雖不可親口細訴.." 一句簡簡單單的歌詞..完完全全能表達了我現在對你的感覺..

曾經..我以為..你過得越幸福..越開心..我就越難過..越不開心..但是..當我感覺到現在的你..原來並不是我想像中過得那麼幸福..那麼好的時候..我好難過..更替你擔心..怕你一個人怎能承受那麼多的壓力..不其然又開始為你著想..看到你在msn的名字.."我是路人丁~" 我真的很想對你說..你在我心中..永遠都不是路人丁..只要你需要我..我隨時都可以在你身邊..當然..最後..我還是把這句話吞回肚子裡..因為我知道..我相信..這一次一定要靠你自己去面對的!!我的存在..我的出現..也許是一種阻礙...要是我真的為你好..我必須要讓你自己去面對..因為這樣你才會懂得珍惜身邊的一切! 我會祝福你的!! 你一定會得到幸福的..要做個好爸爸~~這樣才不會枉費了我的痛..我的淚喲!! 加油喔~

牛牛牛牛牛牛到~~~ 

2009年01月26日(月) 15時07分
牛年開始喇~~ 新一年~ 我希望我身邊既人都開開心心~ 身體健康~ 大家都搵多d..再搵多d~再搵多dd~~ yeah~~

新一年我想為自己訂下小小目標, 明年既今日再睇返..睇下自己完成幾多樣先~~
1- 提升自己既EQ: 唔可以再好似以前咁..將所有喜怒哀樂都放晒係塊面上~尤其係對住公司班超級A同事~
2 - 工作上要更小心, 更細心, 盡力做到最好~ 將唔識既野學到識..將識既野做得更出色!
3- 要盡快適應公司既運作, 工作既進度, 希望唔洗再成日OT, 做返以前日日清既我~
4 - 讀書!!經過上次失業..搵工既經驗, 終於明白自己既不足, 要成材先要值自己!! 拖左幾年..今年一定要的起心干,去報名讀書!! 仲要比恆心比心機去返學, 聽書,做功課..唔可以好似以前咁半途以廢!!
5 - 改善英語能力~ 自己英文一直都唔好..又好逃避呢樣野..但係20320;依家係鬼佬老細, 就唔以再逃避, 要大擔D去講~ 要迫自己睇多D書..更唔鍾意都要睇!! 點都要睇!!每日睇一頁都要睇!!
6 - 有時間既話..我仲想學返琴~ 因為彈自己鍾意既歌..真係好開心~雖然暫時未有聽眾~先彈住比自己聽先^^
7 - 盡快忘記一D唔再屬於我既野..要戒掉偷偷在MSN看他的壞習慣..要令自己想起他既時候唔再有感覺..連心痛..鼻酸既感覺都唔再有!! 我唔要再做任何人既水泡!!
8 - 珍惜我身邊對我好..疼惜我既家人..朋友~

暫時就只係諗到呢8樣野~ 做住先啦~ 太多做唔晒架..嘻嘻^^
總之希望我行個開心又充實既牛年^o^
プロフィール
  • プロフィール画像
  • アイコン画像 ニックネーム:melisip
読者になる
2009年07月
« 前の月  |  次の月 »
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
最新コメント
Yapme!一覧
読者になる