有點驚 

2007年06月16日(土) 23時45分
今晚出席了Gary哥哥的表弟婚宴,是Auntie欽點我一定要出席。唉...我最怕出席類似的飯宴,人又唔職多個,唔知點咁〜

當Auntie帶我去見其他Auntie、Uncle時,有位Auntie講"出年輪到妳做奶奶喇!"

嘩!唔知點解我當堂打個突!頓時間有少少驚!

奶奶?????????!!!!!....

七年之癢 

2007年06月04日(月) 17時31分
時間過得好快哩!不經不覺和Gary哥哥認識了7年,今天是第8年的開始,人家所謂的七年之癢,剛剛開始了,有少少擔心哩〜

不過,為了能夠安然渡過,拖了幾年的事,我們要開始著手處理,諗起都覺得煩...

這幾天Gary哥哥的金句:「燒錢行動開始喇!」

第二回 - 婚紗展 

2007年06月02日(土) 22時33分
去了旅行回來,真的要去book酒席了。

本來今次去婚紗展,打算再一次睇清楚有無其他酒樓(雖然心目中已有決定)。

嘩!間間都已經加了價!

去到我們想book的酒樓counter,大大隻字寫 "2008年的酒席不加價"。快快手,坐低同酒樓經理傾下啦,個酒樓經理好似好易話為,又話我們包場,可以送好多野比我們。不知道我們付款後是否同一張嘴臉呢?!好啦,一於落訂啦,快些book,會安心點...多謝$3000。

我好幸福 

2007年05月27日(日) 23時05分
今晚,成家人外出食飯,慶祝媽媽的生日嘛。

之前已經事先張揚,Gary哥哥會向爸爸提親。結果,今次終於講了...

爸爸同我們講了一堆另我好感動的說話,攪到我不小心流了幾滴眼淚、眼紅紅...

知道我們好大駛(成日都旅行),無乜錢剩...爸爸媽媽都會支持我們!真的好感動!

放心啦,我們會努力儲多些$$,絕對不會衰比其他人睇既!!!!!!!!!!

第一回 - 婚紗展 

2007年03月18日(日) 22時14分
第一次去婚紗展,其實日子已定,但還未諗到在哪裡擺酒...

我們本來不打算擺酒,打算只邀請親戚們食餐晚飯,但當我叫媽咪寫個人名表時,嚇見原來我的親戚都有成4圍(平時都不為以有的)!!Gary哥哥的親戚都有成3-4圍。結果,都是決定大攪吧!反正都要租衫、book化妝、book攝影...

行了個多小時,拎了好多間酒樓的menu,不過由於我們的big date是2008年,好多間酒樓都未出2008年酒席的價錢。初步估計都要$100,000!!!
プロフィール
  • プロフィール画像
  • アイコン画像 ニックネーム:kakakwan
読者になる
2007年06月
« 前の月  |  次の月 »
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
最新コメント
Yapme!一覧
読者になる