面青青 有鬼係大廳

October 19 [Sun], 2008, 2:38
哈哈~今日終於都去左哈佬喂啦~呵呵~真高興~因為太興奮了~所以我諗今晚都係唔訓架啦~

yeahyeah~幾勁~我想講呢我今日重要係特登請左假去架~幾癲呀~不過都值得既~

因為我入到d鬼屋既時候一d都唔驚呀~重要睇哂人地d佈置令唔令喎~幾勁呀~

話哂係呀阿媽申請信用卡只有既至尊飛喎~大大拿拿395蚊(市值)架波~當然要反盡佢啦~yeah~

哈哈~實在太興奮啦~好啦~入返正提先~話哂第一篇日記呀~一定要寫得好好睇睇既~

就由今日一朝早講起啦~話說~我尋晚已經非常之咁high~

(因為諗到連續放3日假, 同埋去玩鬼屋喎)~所以就唔太想訓~玩電腦就玩得2點幾啦~

我阿媽呢~就係咁叫我訓覺~話聽朝要入黎睇股票喎~點知~唉~大吉利是~

我阿媽真係搭正十點就入我房~唉~我就咁就醒左啦~但其實當然係未訓醒啦~

幸好~我之後食完野~12點幾就開始眼訓啦~呵呵~我真的有點懷疑自己前世是豬豬託世~

之後就訓到媽媽叫我3點鐘~就死死地氣起身lu~

死啦~咁都打左咁多野~我係咪真係好長氣呀?算把啦~都係打快d好啦~

之後呢~我就5點鐘就去到銅鑼灣啦~我就當然我醒目地買左麥當當~食埋先入場啦~yeah~

點知~唉~我一路諗住係大樹灣入架嘛~但原來個個都係正門入波~吹bb呀真係~

所以就咁就用左半個鐘排覽車lu~真是浪費青春呀~

之後呢~第一個玩既鬼屋就係"迷幻空間"~呵呵~我自己都估唔到我會入去~

而入去既原因就係因為小人排~我同表姐呀~等都唔洗等呀~就入得去啦~

不過好老實講~呢個真係嘛嘛~場景又唔靚~又小鬼喎~所以真係好彩唔洗排姐~

之後呢~就搭左十幾條樓梯~就落到去集古村~玩我同表姐都最想玩既"視S村"~

嘩嘩嘩~呢個要俾3個嘩佢呀~因為佢d佈置真係超級恐怖~可能我以前係屋村大啦~

真係好逼真囉~鬼屋既外圍已經係我地平時屋村既窗~入面當然係一d骨頭呀之類既恐怖野啦~

點知~點知~入到去d場景重正呀~直頭呢~個d鐵習呀~地尊呀~都同我地以前屋村個d一模一樣架~

不過有樣野又幾好笑~好似呢~我行左去一個大排檔既佈景啦~

之後有個男人跳出黎嚇人~問人"幾多位呀"~我就答返佢"4位呀"~之後佢明明已經走返入佢喱埋~

都寧轉同我講~"無位呀, 等陣啦"~哈哈~我覺得好好笑囉~明明係玩緊鬼屋~

會出現d咁認真咁現實既對話喎~哈哈~幾勁呀~同埋呢~我覺得呢間鬼屋d鬼又多喎~

雖然d人多過d鬼十幾陪~一路行都見到另外個條路既人~哈哈~所以話d人多到呢~

但係唯一有點可惜係~點解我無搭lift既?

之後呢~就去左旁邊既"大豪嚇娛樂城"~呢個呢~本身自己都抱好大期望下架~

因為上網睇過d人話佢門口有機關襟可以嚇返人呀~又話d佈置好恐怖呀~

點知~我覺得就普通d囉~因為佢入面有遊戲機呀~桌球呀~麻雀台呀~

我覺得真係唔太驚囉~

再之後呢~就行左幾萬條路先行到去既機動遊戲區啦~本身呢~就諗住去玩"廣昌隆'既~

點知條隊長到呢~我真係無諗過至尊都要排一粒鐘啦~唉~唉~唉~

其實~我有小小想排架~一場黎到嘛~不過見表姐有點累~

而且網上面既人又話唔太好玩~所以就放棄了~

之後就行左去變種瘟室啦~點知~真想爆粗呀~呢個既至尊都要排9個字~

都痴痴地架~咁我地就當然唔排啦~就搭返覽車落山lu~

落到山竟然落雨喎~搞到d街鬼都唔見哂呀~真係慘呀~影小好多相~

不過好彩地山下面既鬼屋都無乜人~好似覽車旁邊既"鬼娃工廠"~又係唔洗排就直入~

呢間鬼屋都幾正~因為佢夠大呀~好多佈景~同埋佢做左好多鬼娃出黎呀~

有小小似入左西片個d恐怖既世界~d鬼娃好多都埋好真囉~所以呢個都非常值得玩喔~

再行過小小~就係"戲棚驚夢"啦~呢個呢~我本身對佢都好大期望架~

諗住中式鬼屋嘛~咁平時睇粵劇都有d恐怖架嘛~點知~原來真係好似網上面既人講~

似文化博物館囉~因為呢~呢個鬼屋唔知點解好光囉~同埋同我地一齊個兩個女仔係咁叫囉~

超煩呀~所以就算我同表姐行第一都一d都唔驚囉~that's all~

最後一個鬼屋呢~就係"兵馬俑乜乜"啦~呢個要帶一頂有燈既帽架波~

唔知我入到佢先發現~我頂帽係無燈架~哈哈~所以就涛s睇唔到啦~

所以亦都唔太睇到佢入面d佈景令唔令~有一小點既可惜~不過有點都值得讚既~

因為佢入面個地做得幾好~高低不平咁~真係有d似行緊山探險緊架~

不過我本人覺得如果玩唔切~真係可以唔玩囉呢個~

之後玩完哂6個鬼屋~先10點半喎~咁我就當然想上返山玩埋兩個鬼屋啦~

點知係輕氣球旁邊有show睇喎~我就當然88卦卦望下先走~

點知有個海洋公園職員問我有無興趣上台做model喎~我心諗~做悼ヒ?

之後就真係大吉利是囉~要著一套七彩骨頭衫出黎行show喎~我幾想爆咀呀~

另外個女仔著套美少女戲服不知幾令呀~十足個d online game個d造型咁架喎~

我當時真想xx佢地呀~不過~我就諗囉~玩行囉~海洋公園又無人識我~

希望唔會有人岩岩影左相post左上網啦~同埋~都好彩有兩隻鬼帶住我行show既~

所以都唔太驚~不過係唔知俾燈\情d觀眾姐~不過行呢個show就影左好多相囉~

所以算數啦~明白你~就會原諒你嘛~只怪我生得太可愛~你先會邀請我做骨頭怪~呵呵~

之後就係悲劇既發生~我同我表姐講~我想搭車上返山頂玩個兩個鬼屋~

諗住表姐唔制啦~點知佢又話無所謂喎~呵呵~表姐你太偉大啦~

唉~不過傷心既事真係唔想講太多~只想講~去到"廣昌隆"既時候已經十一點半~

三個字~無得玩~唉~我只可以同自己講~不要把小事看成災難~唉~

之後我死都唔蝕底呀~玩埋海盜船同飛天千秋先走囉~

不過走個時又係幾萬個人等車~真是不高興~幸好~表姐同我好快就出返旺角~

好快的意思是12點半離開海洋公園~1點半到旺角~都算快既~唔計排隊既話~

之後就去左大家食到食米線囉~估唔到又ok喎~不過都是覺得番茄牛肉面好食d~

嘩嘩嘩~終於打完啦~呵呵~
プロフィール
  • プロフィール画像
  • アイコン画像 ニックネーム:isabelle_chui
読者になる
2008年10月
« 前の月  |  次の月 »
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
最新コメント
Yapme!一覧
読者になる
P R
カテゴリアーカイブ
月別アーカイブ
http://yaplog.jp/isabelle_chui/index1_0.rdf