馬卡龍之路

April 23 [Mon], 2012, 0:27
由上年年底開始對馬卡龍著了迷,莫名其妙咁去睇好多資料,又出過去學過點樣整;但原來學左都唔代表你可以次次成功,我敗過了很多次,真係好有挫敗感,但每當成功既時候都係好令人興奮同感恩,因為咁我仍然好努咁去嘗試,希望找到每次也能成功既秘訣,期待這一天的來臨喔〜〜〜

Bad mood

April 02 [Mon], 2012, 0:23
今日約左舅父同舅母食午飯,因為舅父幫我更新左D符,咁就要同舊符交換返......中間舅父都講左幾多之後幾年發生既事.....講真,十居其九都係唔太好既事,無論工作與健康;令人感覺好無奈,雖然知道係無可避免但又期望呢D事唔好發生;感覺好矛盾......

最衰係連JJ都令到我好失望,我個一刻覺得我係咪選擇錯左.....我想你擺返多D時間係我身上,可以為我想多一點,唸遠多一點;可以為我屋企人花多點心思,令我可以將自己好安心咁交托比你,但往往覺得我跟你相處我永遠都要好堅強,好獨立,有時候還要顧著你,撑著你,我開始覺得好攰,我怕我無力再行下去;

或許今天負能量很重,令我對你有這樣的想法吧......

Tiffany Blue maracon

April 01 [Sun], 2012, 0:42
今日星期六,kimi & karen黎我屋企整馬卡龍,之前幾次都唔成功,所以再睇多次本書睇下有悼ツ以做好D.....

今次特別將D almond powder入焗爐到烘一陣,將濕氣抽走,又再糖粉前一晚抽濕一下;另外將egg white預前一晚同egg yolk分開,跟住用保鮮紙包住,要掂到egg white surface,保鮮紙仲有有幾細孔,等egg white可以同空氣接觸有化學作用......

因為經過以下既preparations, 今次做得最成功呀,連JJ都讚我今次做得最好呀.....真係好開心呢.....加上我地仲做左好靚既tiffany blue color, 真係令人好雀躍......今次分別做左朱古力filling 同normal butter cream....下次可以係buttercream上再加其實味道,應該會好好味的.....


今晚出左去同阿B佢地食周家同阿奶既生日飯,初時唸住去北角食,但一早已full,搵左好多間放題都無位,最後去左食中環間意大利野,都幾好食呢.....最終都係睇唔到家良同阿樹既婚紗相,希望好快可以睇到啦......今晚食飯好開心呢...


今日死人JJ係發埋D少爺脾氣,真係唔得囉,以前都無衰架,而家越來越多脾氣,唔得囉....好嬲呀.....

突然來電

March 28 [Wed], 2012, 0:04
今日做做下野收到job agency打黎問我考唔考慮轉工,因為呢個agent較熟,所以有講多兩句既,佢同我講話份工有14個月糧,係官塘區,我初時聽落都幾有興趣,就叫佢夜晚再打黎傾下;

中間有同同事講,初時估係唔係MAST,不過應該唔係,因為MAST係九龍灣,佢係官塘區;我都有問KIMI係咪佢舊同事個間,不過又唔似唔係,佢有舊同事做SM都已經係25K起薪點,聽到真係勁装逋゙......

我夜晚同AGENT講話我堅持19K先會考慮,始終而家都接近18K啦,差少少咁唔會轉囉,原本planning都係過兩年先走既.....其實都係想試下market price啦.......

革命

March 27 [Tue], 2012, 0:47
部機都唔知做刀C之前已經試過無哂D野, 頭先又係咁,好討厭呀...重覆要打同樣既字係好攰囉.....

今日起決定要落實攪童裝網上生意,希望可以攪出一番成績吧,至少搵返少少外快幫補下,因為覺得而家每月咁stable收人工儲錢好slow囉.....好想有多個門路搵錢,以備不時之需

上網睇過其他online shop,都係覺得自己既款偏舊,唔夠人地日韓風咁潮同可愛,要著手唸下自己產品有捺フ點,或要做多D市場調查同promotion,聽日上下討論區睇下先~~~

再偷懶.......

March 25 [Sun], 2012, 12:53
今次又再遺忙打日記啦......似乎都未能好好實行一些事,性格如此==“

9﹣12/3我同JJ既屋企人一行9人去左大板同京都玩,真係玩都唔捨得走呀......最開心係食到好多好好味既野食,仲有shopping呢.....其實我已經忍手唔買好多野架啦,實際上我都係用左4K到去買野同買野食,另外2K已經用左去食啦......個邊既人真係好好服務,永遠令你覺得買得值,買得抵....同香港相比真係好大段距離,文化唔同吧,至少人地係submway內唔會大大聲講電話,連交談都只係好細聲,絕對唔會嘈到人.....

京都都只係去左1日,真係唔夠呢,好想去多次京都,因為街上每樣建築物都好靚,好有特色,同埋好想著一次和服周街行呢...哈哈....我會再去的....

係工作上,我地已經向大姐反映我地對大姐既睇法同意見,咁當然我地都係留意大姐有同細姐成日傾計,我地仲唸住細姐可以改善下,又或者係咪會調TEAM換另一個細姐黎,可惜睇返呢兩個星期情況無變,大姐都好似無痘ヘ咁去推動細姐改善, 咁我地真係好低落囉,尤其是阿MO,佢真係成日比MM TEAM欺壓,但係細姐唔單唔TRY去反抗,仲幫埋人地話佢,其實我地呢邊都試過啦,仲要話人地係幫我地,唔覺得囉.....大家都真係做得好灰,但至少我未唸住要離開,因為至少做夠兩年先好走啦......唔係點樣再升上去?唉,過得一日得一日啦....至少而家同同事相處好好,未真係要唔做唔得既......

結婚D野的確的令人頭痛,之前同媽講又話係返自已屋企住無問題,點知佢又改口,又話最好搬出去啦,咁都係既...如果又一齊住返,我估實勁多野嘈囉, 已經要同JJ開始生活一定好多磨擦,我估加埋兩個老人家會更衰囉,但如果出去租屋,又根本唔會有錢買到樓,唉,好頭痛......阿媽又話住住先,跟住先再唸點樣賣樓比首期,其實咁樣不如早D賣比左首期我地買樓仲好,做痘v攪咁多野,又要浪費中間D錢....有少少唔抵囉.....唉....望就望JJ既生意好D啦,成日都計錯數,好令人頭痛呀.......

無精打采

February 21 [Tue], 2012, 0:29
今日返工返到好攰, 好無精神, 唔知係咪因為尋晚發左個惡夢個人訓得好差, 總之成日都提唔起勁, 跌哂watt囉.....

本來阿姐都已經無幫手都算啦, 仲要玩埋大石壓死蟹.....佢明明出左個e-mail問我地有無興趣JOIN 個TRAINING, 咁我好心覆下你姐 (原來人地無覆到), 點知就比你對返轉頭, 問我做答Ijoin 個training, 真係激死囉, 你既open得比我就預左我唔join架啦.....如果你想人JOIN, 你不如直接D同我講你想我JOIN咪仲好, 玩野.....正一麻煩友, 無貢獻仲多多事實.....真係令我DOWN多二錢重.....

今晚約左rachel, kimi, jocelyn & mama去食飯.... 都主要係傾下計, 交流下結婚買樓D野....原來而家要結婚買樓真係好難唔rely屋企, 佢地個個人屋企人都可以支持到一點, 至少其中一方既父母可以金錢上支持下, 但係我同JJ就真係涛s要rely自己, 真係同人唔同命, 當然都不停安慰自己, 亦都唔好同人比較, 因為越去比較就令人越有挫敗感呢........

又偷懶....

February 20 [Mon], 2012, 0:17
新年之後又將近一個月,好快地又偷懶無寫到blog, 事實真係自己幾懶下......

新年之後返到工當然係一片混亂中渡過,個客繼續改野,供應商繼續每天吵吵鬧鬧的.....不過估到我個客真的夠狠囉,第一次攪take liabilities cost,以前聽同事講得多,今次試過啦,一個字﹣煩......到今天,都已經煩擾了第三個星期啦,唔知明天返到去又是東i象呢.......

上星期六去到睇婚宴場地,係APM隔離既club one,之前經kimmy介紹club wedding呢間公司,後尾發現club one個場好靚,仲好似酒店咁grand, 個場主要係紫色為主,睇場已經令我著迷,kimmy話我知呢間野係玩min pay,就咁我寫mail去問,個min pay係120k, 都係within我地個budget, 最後尾仲約埋上星期六去睇場,因為第二日可以去埋婚紗展比較下,之前我地已經揀左20131130呢個日子,本來都仲有位,點知星期日去到婚紗展個時已經比人訂左,個下好down囉.....無唸到D人真係咁快去攪婚禮, 我以為自己已經好早,原來其他人都一樣....好恐佈........跟住我地決定將時間提早至20131019號,因為首選係星期六,所以無涛子可以揀啦.....個日去完婚紗展還早所以就去到個場地都落埋訂.....個一下覺得人生大事其實都可以好兒嬉咁.......



尋晚JJ約左MUM同UNCLE食飯,其實係就要正式同我屋企人講佢要同我結婚啦,以我知道JJ既性格就係拖字訣,所以我已經係食飯之前同定佢講,坐低之後就要開始講啦.....點知個死人頭由叫送到差不多食完啦就唔捨得出聲,我真係火到上心口,佢話唔舒服,好暈(初時我都以為真係唔舒服,後尾發覺應該唔係囉,激死人),我忍唔住伸左佢一腳迫佢講,終於講得出啦......媽咪話好開心我可以嫁得出啦.... 總叫做又完成一件重要事.....上半年就咁停停吧,始終我地係今年先叫做正式儲錢,JJ生意都仲未叫好stable,其他事就慢慢黎吧......

公司近來怨氣好重,因為大經理突然炒左個同事,仲要將件事攪到好大,個人認為都攪得幾難睇囉....究竟係幾多事係真係假就無人知,不過都已經唔係第一次發生既事啦.......最慘係我同事,無啦啦比細姐將D工作推哂比佢,仲要迫住佢上馬咁....好無ョ囉事實係......再咁落去我怕我D同事走埋就慘啦....始終我未有想離開既打算,但如果其他人都走的話,咁我會超級痛苦囉.......希望大家可以捱過,另外希望大姐唔該快D醒啦.....

明天.....又要衝過啦......

年初二至初四

January 27 [Fri], 2012, 14:30
初二一大早起身啦, 跟住就裝身, 因為今天會好rush啦, 天氣好涷, 著左勁多衫, 好輪準;

首先要過婆婆到食開年飯; 媽媽大慨11點到就過到去幫手啦, 而JJ就差不多12點半先到, 激死; 點知去到既時候, 婆婆仲係煮到一半到, 咁UNCLE就開始急啦, 因為唔可以太遲到佢屋企個邊; 點知UNCLE最終飯都無食就要過去啦, 仲要嘈左一陣, 攪到氣氛唔好啦又; 媽最終仲講左句燈ッ孝順, 真係比佢激死咁都講得出; 之前已經叫左婆婆唔好煮咁多啦, 因為四舅父一家又無黎到, 少幾個人啦, 但佢都係煮到十樣送, 真係大製作呀;

跟住我同MUM & JJ 就搭車去uncle屋企個邊到啦, 去到都3點幾啦; 跟住即刻食糕 (又食啦), 然後又豆左好多利事呀; 跟住我地就落康怡睇無敵貓劍俠, 都幾好睇啦, 不過都有D悶位; 睇完又上返去食晚飯啦(再食); 一日就係咁rush渡過啦, 超飽; JJ又成日都胃痛, 一定要捉佢去睇醫生啦;

初三MUM 同UNCLE一大早就返上大陸玩啦, 我就大約10點起身啦; 天氣好似比之前個日仲涷, 又落雨喎; 初初仲怕去唔到林村到, 最終都有去; 我去左大埔到JOIN JJ, 跟住去食街市食車仔面, 味道都唔錯; 之後就搭車入去啦, 但係天氣真係涷得令人想死, 我地企係街等車時涷到縮下縮下, 對腳係最涷架; 上去到好彩有位坐; 入到去係勁爆多人, 以為天氣唔好就少D啦, 唔係囉;

我地去左拋寶碟同埋放蓮花燈 (年年指定動作), JJ要抱第四次先拋到個寶碟上樹; 我就去放左個蓮花燈啦, 跟住影左D相, 買埋個風車就返出去啦 (屋企已經有3個風車啦, 唔知會儲到幾時呢, 哈) ; 今晚會去JJ 屋企拜年, 佢阿E都會黎, 所以去買左枝新梅酒同埋一盒禮上去; 天氣咁涷當然係打邊爐啦, 今次好味既麻辣sauce伴著食, 好味道; 食飽飽就返屋企啦;

第二朝竟發左好恐佈既惡夢, 真係嚇到我地呀; 都唔知攪乍「埋D咁既惡夢架; 訓醒我地就去食LUNCH, 金富有開啦, 食左少少野就返上樓HEA, 我就睇結婚資料, 同JJ夾下BUDGET同地點, 似乎$20萬真係唔知得唔得囉, D濕濕碎碎既野最waste $$呀, 希望擺酒個到唔洗貼好多啦;

JJ呢晚要收到, 我地6點到就出去大圍顯徑到食晚飯, 有我最鍾意既烏頭同蠔仔粥, 好味道; 不過D野又加價啦, 今次無咁抵食啦覺得........JJ最終有還返碗豆腐花比我啦, 哈哈~~~

夜晚返屋企再挑戰馬卡龍, 始終整唔到朱古力味, 究竟發生梼, 係我次序落錯左? 無理由本書既份量有問題架, 試都我D杏仁粉無哂啦, 哈哈~~~我要大量購入杏仁粉同糖霜咁先可以試到最perfect效果, 哈哈~~

落左色水既馬卡龍就成功呀, 我會留返比MUM初六去UNCLE個邊時帶過去比人試下~~

年初一

January 24 [Tue], 2012, 2:12
今日大年初一, 當然係馬不停碲咁食食食啦....一早起身煎左蘿蔔糕同年糕, 個時都已經10點到架啦, 跟住媽咪開始煮午餐, 簡直又係大龍鳳啦, 有素菜, 有鴨掌加海參, 有西蘭花帶子, 仲有好特別既羊架, 可惜我著得唔夠準, 又可能天氣好涷掛, 好似好乾咁, 但又其實未熟哂囉....仲有好鍾意既潤腸, 好好味....

食飯之前已經無唔洗咁早入阿麻到, 所以有少少時間就想試整個馬卡龍既FILLINGS, 可能都係失敗左....好慘呢, 浪費左好多材料...... 阿媽同jj就係到傾計, 講返做生意既心態, 阿媽又想當年, jj一講起做生意, 又好多野講.....真係頂佢兩個唔順......

今日都唔知做, 同JJ 就係唔多O岩咀形, 已經為少少野事就好似好勞氣咁, 但係我同佢都係隔左好快就當無事咁, 呢D係咪就叫做兩個既相處之道呢? 我怕我真係會同佢有好多野會嘈, 咁就會令我覺得好辛苦囉......

夜晚入左麻麻到食飯, 又見到我個細妹啦, 佢原來只係3個月大到, 不過我覺得佢好似出左世好耐咁啦......今次買左d衫仔比佢, 公司產品好抵, 又有折, 多買幾件都ok架.....今年爺爺無再煮飯啦, 改為出去食, 我問姑姐點解無煮, 佢話爺爺年紀大啦, 唔可以咁粗勞, 所以咪出街食囉......不知不覺爺爺麻麻真係年紀大啦, 我係咪可以抽多d時間去見佢地呢?

食完飯出返荃灣見到好港式旦餅, 好似格仔餅咁, 但係平面圓形既, 我同jj都買左件黎試, 好味道.....跟住去左食甜品, 有間台式甜品鋪, 真係幾抵食, 又大碗又多料, 都只係$15碗咋, 希望快d再去試下, 因為睇黎佢遲d都會加價架啦......

返到屋企唸住完成埋個馬卡龍預備聽到帶去uncle family屋企, 可惜整左好耐, 只係第一盤成功, 其實都失敗; 個FILLINGS整極都唔o岩味道, 又係掉走左好多野, 但係我唔會give up架, 下次應該將份量減到最低試左先做大份量, 咁就可以減少浪費啦.....我要緊記住呢點呀!!!!
プロフィール
  • プロフィール画像
  • アイコン画像 ニックネーム:edalyt
読者になる
2012年04月
« 前の月  |  次の月 »
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
最新コメント
Yapme!一覧
読者になる
P R
カテゴリアーカイブ
http://yaplog.jp/edalyt/index1_0.rdf