任性 

2005年08月27日(土) 2時02分
o'camp完了, 又到happy friday了, 不用工作, 可以放暑假吧?

 容我放假說些自私任性的說話吧.

 我覺得我為別人想得太多了, 幹嗎我要顧及他人的感受?

 做了不是自己願意作的決定, 然後後悔, 繼而又歷史重覆, 又變成失去了才懂得珍惜...

 有時真的很想自私一點, 想怎樣就怎樣...奈何多想一會變滿心罪惡感了...

 工作暫時完結, 思緒卻走回頭路. 明知懷緬過去亦於是無補, 但回憶總是抹不去...

 今天的我在質疑自己, 強迫自己消失的意義何在?

 我也有點不明白自己了...

 任性的也要說, 誰叫我放假真的變瘋了:

 我很想你.

自由營後記2 

2005年08月26日(金) 14時05分
(cont’d)..到最後一天, 大家終於把幾日內認真苦練的營舞表演出來, 每一組連走位也別出心裁, 所以我真的覺得每一組也是最好的, 光是大家的認真與熱誠已夠滿分了!信不信由你是我不好, 前一晚累得想不起dem一次的重要性, 令大家有點氣餒; 然後best freshmen也因為不夠時間而被迫cut了一個test; 到最後一餐飯, central沒有時間食飯, 亦是我在安排上的疏忽, 令各位莊員不能和所有仔女一起開飯…眼見各工作人員和組爸媽也走到自己組與仔女一起迫著別飯, 真的很融洽呢~ 希望大家會記著有這一個短暫的家吧!

 選spy出來,唔知呢, 各工作人員一定萬般興奮了, 我們等的都是這一刻, 全場不停為4個spy歡呼, 不知道各仔女怎樣想呢? 被選了出去的仔女希望也不要太介意吧, 始終也只是一個遊戲而已… 拍下了團體相, 那幅相真的拍得很高興, 也為這個營劃上一個句號…

 其實我想各個工作人員甚至central也沒想過我們的自由營變得如此有意義呢, 充滿團結, 承擔和反思. 很多時候我們也讓大家出來說說感受, 知道大家對參與其中的感受; 每一晚與組爸媽開e後, 組爸媽也會和仔女檢討一下, 互相了解一下大家的見解, 這是我們沒有預計過的一環. 我很欣賞這個沒有預計的環節, 不但令central了解我們還可以作改善的地方, 更令到仔女之間與工作人員間多了一分了解, 關係反而融洽了, 團隊精神也變大了. 每一組也由一開始的一盤散沙變了一班互相支持的家人, 我覺得, 就算大家玩少了房game, 累得要睡, 這個camp也真正成功了.

 自問做個營長的確不太稱職, 要amanda勞心勞力, 不夠訓, 不夠聲, 要dina管理全camp的大大少少物資, 累透; 有時我亦不夠細心, miss out很多細則, 令各莊員執行起來有點不知所措… 但三日內第一次可以與所以莊員一起順利完成我們最大型的活動, 實在感動! 感謝各位莊員對我的忍讓, 辛苦大家了! 亦辛苦各位工作人員三日內的協助, 令自由營深深地印在每個新鮮人的腦海裡!

自由營後記1 

2005年08月26日(金) 12時19分
後記

 Free2Joint最大型o既function終於都完結喇. 由構思, 策劃, 寫proposal, 報價, 過會, 落訂, 預演, 準備, pre-camp, 直至成個camp完成, 用了差不多半年時間. 三日完結, 突然有一個感覺: 我要落莊了… 有點感觸. 營前一星期, 整支莊傾力做準備, 買材料, dem game, 開會, 日日在poly當庇護工場工人, 完全做到poly是我家的現象, 為的都是令三日營期順利舉行.

 天公可算做美, 上個星期不停下雨, 到星期一的時候終於開晴, 天氣好得不得了. Polyhunt總算可以安全順利進行, 大家亦在預計時間內完成所有task, 這是令人欣慰的; 在車上70多人擠在巴士上層, 一起向隔離的巴士乘客say hello, 雖則冇人回應大家, 但的確很興奮, 畢竟能夠全車人一起嘈怨巴閉, 叫囂狂呼的機會實在不多; 玩避你個頭時大家圍著場區不停為自己的組員吶喊坐威, 有如看拳賽一樣緊張, 看得大家也熱血沸騰; 玩soci-game的時候見到大家的力量慢慢團結起來了; 第二朝的遊戲, 也許是我們預計的時間不太好, 令大家玩起來有點吃力, 亦令到兩個遊戲被迫cancel了; 到下午時, 可能就是個遊戲setup有所不同, 令整個遊戲的節奏拖慢了; 你中獎喇很邪, scoli勁中, 這也是始料不及的, 但本人的確很喜愛dina出品的大骰子, 骰跌落地的一刻的確令人興奮呢; 到玩閃閃水, 真是辛苦了樓上的工作人員了, 入水彈入到傻了, 但一下子全被打破了~ 縮頭雞亦是一個問題遊戲, 沒有清楚地指明如何會被亂唱掃射, 令遊戲進行時有點不知所措, 更難委了老ben不停克}上的小鳥唱呀唱, 唱到聲也沒有了~累累累! 但第二晚的確是一個大驚喜. 大家的v-show表演令我對大家刮目相看, 很害怕大家會遺忘了v-show, 但大家的表現足以顯示大家事前很努力去排練過才有如此的good show的! 所以大家兩晚的房game玩得有點靜也可理解的; v-show的確令central笑到人仰馬翻, 充滿娛樂性呢; 然後一起玩changing partner, 一開始時大家有點拘謹, 但換多兩次, 大家開始嘈了, 太好了; 唱多兩首歌後, 所有人也跟著唱, 跟著跳了; 大家一直跳跳跳跳至營舞完結, 全場一起歡呼, 好像代表著大家幾日內一起努力學曉營舞, 現今順利完成, 為所有人的努力而歡呼一樣, 感覺真好!...

自由營Day3 

2005年08月26日(金) 1時50分
第三日

central先預演camp dance.嘩,我跳得最差就係今次喇,勁甩steps...可能太累喇,load唔到.到分組跳喇,雖則有o的仔女唔係好記得點跳,但係睇佢地3日內一有時間就係度係咁練,我覺得大家都deserve滿分架!然後就玩信不信由你.只怪我地冇dem過o的task,令大家有好多疑問,希望大家仍然enjoy呢個遊戲啦.由於又OT,所以best freshmen改為一個test,玩大長碌!大長碌真係超好玩架,我地係GH試好幾次,開心到爆!唔知d best freshmen係咪都係咁enjoy呢?之後去食呢個camp最後o既一餐飯.食飽飯見大家一家人咁坐係度傾偈,好開心…呢個時候出面無啦啦落雨,俾佢地話我尋晚係度唱搭♂J歌搞到真係落雨喎…都係落左一陣就冇落啦,所以決定教晒所有人一齊唱!好在阿jan係度,佢仲記得成首求雨歌點唱,就一齊教唱喇,之後仲唱埋edelwise,見到佢地唔知左手定右手拍唔知幾多下o既樣好鬼得意…呢次亦係所有人最後一次圍住唱歌,希望佢地記住自己o既組爸媽,組員同helper啦~然後返番禮堂度估spy!超好玩,esp.估Carol出黎o既時候!話說俾人揀左出黎要食o的野之後大叫:我唔係spy.Carol俾人叫左出黎之後勁唔開心,扁晒嘴,下面o既工作人員係咁話俾人叫左出去o既千祈唔好mind,講到carol真係yr1俾人誤會咁喎.到carol食完野,佢都仍然好唔開心,之後講:我唔係….Year1! 之後勁開心咁笑出黎!全場工作人員勁興奮!不停為carol叫囂呀!Carol好勁呀!哈!之後仲有benjamin俾人估到,但係amy 同frederick都冇俾人估到呢,勁呀!好興奮呀,我地呢4個spy都好成功呀,辛苦晒喇!

 之後幫佢地選埋班長,就大懲罰喇!勁呀,呢個懲罰就係要食一隻咸足蜂喇!係要食一隻有翼有頭有尾o既K色昆蟲喎!Harsh架!不過見到scoli成班仔女都超勇,話隻野又咸又苦又酸又脆,好癲!不禁寫個服俾佢地呀!當然,臨走之前影左大合照,就正式完結左我地3日2夜o既自由營喇.

 然後central留係度執埋o的物資,坐van返番poly~ 擺好o的物資之後,係soc房hae左一下,討論下o的仔女,寫下口水簿,就歸家喇~

自由營Day2 

2005年08月26日(金) 0時57分
第二日

嘩,天氣好到呢...一早玩競技遊戲,預左OT,不過估唔到速龍會玩咁耐,搞到要cut兩個game.下晝玩麵粉.兜口兜面兜左n年都兜唔完,好奇怪.之後你中獎喇,個setting做到我同dina一開始諗o既時候o個個樣,好好.好邪,成日都係scoli中晒,有點無奈.之後閃閃水預唔到咁多大波,結果最後要打細波.有好有壞...然後玩縮頭雞,可能我地指引不足,大家玩起有o的唔知點咁..之後亂黎,o的仔女癲晒,同central搶武器喎,癲架...

 玩完個水戰之後實在太累,目光呆滯,個人轉黎轉去,唔理,繼續.到v-show.我一直都好擔心個v-show會爛尾,因為總覺得班仔女玩得唔夠癲,唔夠主動.好在擔心都係多餘o既,四組都good show,笑到我肚都痛埋.alex扮林志玲激似,好鬼lady,正呀!哈.Carol扮師奶攞住個雜鞭湯四圍走…笑死我;本來唔認得邊個係斌青,點知佢扮基佬個樣超似人妖打排球,即刻入晒腦!阿ken扮rain不惜飛衫俾夏屁H按摩,central都不禁為佢叫囂呀~最後lordo really did a good show!我地就係想睇得開心,lordo完全做到,睇得central十個開心!個v-show真係一個unexpected surprise!我等unexpected surprise好耐喇,班仔女送左俾我,即刻滿足晒~

 完左v-show就到口水舞喇,changing partner呢,係度勁大叫開始,把聲開始擦喇,然後玩go round valley,同christine鬥爭新爺,激死我,爭輸左!繼續唱ip pi唉呀呀o既時候唱晒debby唉呀呀,慘喇,所有仔女都以為隻歌真係咁唱…見到o的呢兩日唔多出聲o既仔女都跟住唱同跳,玩得好開心,安樂晒,至緊要佢地玩得開心!呢晚仲跳左兩次營舞呢,同所有仔女同工作人員一齊跳真係好開心架.我真係好鍾意一大班人一齊跳舞架~呢晚就變左成個camp o既高潮!就算我地預左3支大光燈用唔著,亦冇生火,大家一樣咁high,就已經足夠喇!

 開e o既時候超辛苦,暈住暈住,訓著左都唔知.之後沖完涼,組爸媽黎晒central房,com左一陣玩当[game就出發.我決定訓半個鐘之後join番佢地,校左錶起身,點知唔記得校響佢,起身o既時候已經係第二朝7:10…抱歉各位莊員…

自由營Day1 

2005年08月24日(水) 21時12分
自由營終於圓滿結束喇! yeah! 我玩得好開心架, 雖則我係搞手..哈. 為左隆重其視, 我決定分entries講3日行程!

 第一日

 一早係poly玩polyhunt,我唔係跟組,所以留守大本營...不停打電話book回程車俾central坐,勁快,打完電話,簽完quotation,過數,book完.掂呀!呢o的公司有前途呀,就算咁細單o既生意都願意咁快接,good!

 搞掂完同老ben出去city 睇最後一個check point.踩場真係過隱,係city門口大唱poly校歌,不過略嫌大家唔係好夠大聲jer..但係睇住佢地跑住咁黎到,真係好開心呀,至少證明左佢地有心玩先會勁跑jer~

 然後食飯,上車!係車上面教唱hoolala同莊員們勁講o既唉呀debby...*隻歌係唱"唉呀呀ip pi 唉呀呀",唔知邊個將佢改左我個名落去,搞到係人都以為首歌真係咁唱...點唱都好,好好玩,70幾個人迫係巴士上層嘈怨巴閉勁開心.

 入到營就玩遊戲喇.第一個game就滑鐵盧,要腰斬,有o的擔心.不過為左o的仔女安全,咁做絕對正確o既...好奇怪,第一日d遊戲之前dem o既時候覺得最危險o既變成最好玩最唔危險,毫無危險個o的就嚇到o的阿爸阿媽死,危險到爆...夜晚刻玩socigame,同gloria同alvin睇一個checkpoint,坐左係度兩個鐘頭,睇左一個20秒內流眼淚o既創舉,睇到做賊真係雞咁腳咁走o既一組,睇到alvin好似拍戲咁好肉緊咁叫班仔女走呀,唔好俾人捉到呀,但係班仔女以為alvin hi佢地,仲慢慢行俾amanda捉到佢地...哈,笑到我同gloria傻.

 之後開e,傾力諗清楚第二朝o的遊戲點樣可以安全o的,就番o的仔女o既能力,累!之後去玩房game,em...玩得唔夠癲bor~去camp要癲o的先得架嘛!玩得有o的慢,玩得唔多game呢…玩到4點幾o的仔女頂唔順,訓晒, central番房訓…好開心喎,未試過11個人一齊咁耐時間.不過呢,central一上晒床之後居然hyperactive晒,嘈怨巴閉達半個鐘有多,等到有一刻終於靜喇,annie無啦啦話:做嘜無啦啦靜晒呀?之後全房爆笑...傻傻地架,訓覺就梗係靜架啦!癲架. 就係咁,5點多先訓,完左day1喇.

是否正確? 

2005年08月20日(土) 23時58分
第二日的營前聚會終於完結了.

 場地限制, 天氣限制, 人數不定... 弄得工作人員蠻辛苦呢... 辛苦各位了.

 雖則今天比較亂, 但希望大部分仍樂在其中吧.

 

 今天無啦啦突然質疑自己一直堅持的信念...

 由細到大, 我總覺得, 你憎一個人, 對方也是在憎你. 你對人好, 對方也會對你好.

 我一直相信這個信念, 所以我認為將心比己是很重要的.

 今天, 我開始質疑自己是否錯了.

 是否因為我一直執著如此信念, 現在的我變成, 我對人好, 便假設對方已對我好了.

 我喜歡的人, 我便當成他也喜歡我了. 當然, 我憎的人, 我也假設成他很憎我吧.

 錯嗎?

 

 我真的認為, 別人對我不好, 是因為我對人不夠好. 所以, 我有時很討厭自己對人不夠好, 令別人對我不好.

 這是錯嗎?

 

 這個世界愈來愈多我想不明的大道理了... 怎樣才會得到正確的答案呢?

 

 很累, 很想快點放假, 然後自己去看一場我想看的戲, 走我愛的海旁, 聽我愛的爵士樂, 想我愛的大道理, 找愛我的人....

explosion 

2005年08月19日(金) 2時09分

 爆炸了.

 與人頭豬腦展開罵戰.

 

 忍夠了! 講多十次也不夠我發洩.

 辦公室政治失敗者! 完全唔知佢係度做嘜架.

 唔識做人, 唔識轉彎, 唔識醒少少.

 麻x煩.

 即刻刪晒下個禮拜要番工o既日子, 企圖即刻劈炮...

 同事們不停叫我冷靜點, 雖則嵐知道我忍了很久...

 "興"過火屎...

 打電話去同志同道合o既肥a講, 點知我打電話俾佢令到佢好尷尬喎, 哈, 死白痴仔. 鬼知你個刻咁鬼尷尬! 哈哈哈哈.

 肥a講得o岩, 劈炮只係令阿經理難堪, 整唔死人頭豬腦... 同佢長期戰爭, 激死佢好過.

 好, 有道理! 就咁話啦.

 講到我好似做野好差咁..

 係咁o既涛s唔好同我講, 叫其他人話番俾我听呀笨!

 我自問做野效率高佢十倍, 識得點應付o的客多過佢, 同同事o既溝通亦好佢十倍, 我驚佢有毛呀?

 

 好興呀!

 興到想食人呀!

 

 ************************

 .... 還好吧?

 有點... 擔心.

其實我.... 

2005年08月17日(水) 20時59分
我有很多東西想親口說, 親口問

 但是我的勇氣用盡了...

 

 原來問題對於我來說, 還未解決, 只是又走回舊路, 逃跑了.

 

 

 與別不同?

resilience 

2005年08月17日(水) 1時29分
晚上上班時看到am730 的一篇專欄...

 素K著作...

 從此又愛上一個作者的作品了.

 好一個情緒治療師呢...

 

 一篇文章令我想多了很多從沒留意過的問題...

 我開始有點後悔... 我後悔我沒有冷靜處理事情.

 沒有問清楚我想知道的答案.

 

 今天的我, 好像清醒了一點喎!

 問了自己, 放不下些甚麼, 最想得到甚麼, 究竟欠了些甚麼...很多很多甚麼.

 自己也作了無限個假設...

 

 原來, 我有很多東西想知清楚呢.

 現在的自己, 是逃避的表現.

 

 好, 努力令自己變得更清醒點再算吧!

 

 一次的經歷, 令我看清了自己的弱點.

 傷心, 亦算值得吧?

 

 解鈴還需繫鈴人, 過多一點時間, 我便會勇敢面對的了.
2005年08月
« 前の月  |  次の月 »
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
http://yaplog.jp/debby523/index1_0.rdf
プロフィール
  • プロフィール画像
  • アイコン画像 ニックネーム:debby523
読者になる
Yapme!一覧
読者になる