10月28日 

2005年11月13日(日) 16時03分
成幾個月無寫日記lu,好懶呀,無心機寫.......不如寫下生日啦~
10月28日:
呢日我要返地帶,因為係星期五,所以勁多人,但係旺丁唔旺財,睇多買少,仲要睇display,攞到我傻,display難攞不特止,仲攞一件跌幾件......
等到11:30就閂門,要執返好d野,執下執下,有人"烤"門,原來係阿魯,佢送左10支紅玫瑰同29支K玫瑰比我,包得幾靚ga~無諗過佢會接我放工,幾surprise~
之後去左味千食野,第一飲清酒,都唔好飲,好似燒酒既味.....

遺忘了的日記......... 

2005年08月17日(水) 13時27分
琴日幫老闆攞貨,又比人話我個樣最多似15歲喎,啥米!!???唔通我個樣真係永遠長唔大……或者同我0既思想同身形一樣,永遠咁靚妹……. 我係公司吸塵時忽發奇想: 浪漫是要刻意經營,感情也是一樣,平淡的生活看似安穩,卻令人缺乏生氣,刻板…… 前一兩天看了coris的e-mail,其中一封的title是“葉子的離開,是因為風的追求,還是樹的不挽留? ”看完這一篇故事,我覺得很可悲,明明是相愛,卻沒有一方表明心意,胡亂猜測,只換來分手的下場……答案很明顯,風和樹也有份令葉子離去,就像風箏一樣,不夠長的線,它飛不遠;不夠傷的心,它不會毅然離開,沒有高高的天空和風,葉子和風箏也去不遠,飛不高. 忽然又想起了FANNY,我覺得她對着他,已經做得很好,如果是我的話,一定什麼也不做,讓感情白白丟淡……最後遺忘它……FANNY,加油呀!!! 呢排唔知做,成日發人脾4,自己都好唔開心……..而且無論我做D,都唔可以令人滿意,令我好憎自己……成日只識食同訓,又冇大志,唉……. 而且,我好憤世嫉俗,成日小小事都睇唔過眼,覺得其他人好乞人憎…….死啦,我會唔會有病………

6月28日日記.... 

2005年07月02日(土) 23時33分
今日返工搭 車立 ,,發覺香港人好乞人憎,有一男一女都企係我前面,隻手又無野拎,但係又唔 手禁 車立 喎,老鳳等人 手禁 0羊,又企得衰喎,左住其他人 手禁 ..............
返到公司,張小姐請我食粟米碎蛋三文治
今日一路打掃,一路發現公司好多問題,我公司成日跳制停電,超煩因為我要早d返去清潔,要開門,但係如果公司停電,我就開唔到密碼鎖,要問人借梯,爬上門頂,開門頂的鎖,我問過人借梯幾次,人地都唔多鐘意,我都唔好意思而且影響工作
個冷氣機無冷氣,又滴水,,我試過一個人係公司聽到滴水聲,都不知幾驚
公司又唔知點解有好多螞蟻,經我多日調查,發現原來公司門口有好多螞蟻,可能有蟻窩......
放工返屋企時,一路上有好多人叫我做問卷,有3個街頭+1個電話,真係煩,SO...比我拒絕左3個

好耐無寫日記... 

2005年07月02日(土) 22時24分
返工不知不覺已經一個月啦,我反工就勤力,反到屋企就0羊都唔做,好懶~反到屋企唔係訓就食XDDD
好啦,等我寫反之前的日記:
上上個星期,成個禮拜都落大雨,我反到公司已經成條褲濕曬,我襯無人,就除鞋同襪,點知真係比我扭得出水,我諗起廁所有乾手機,就走左去吹,,吹左幾之次,都係唔乾LAW,結果就UP 左一日隻月郤....
唔知由幾時開始,我公司成日有電話打黎,問係咪荃灣東亞銀行,我諗係電話號碼有問題,因為日日都會接到呢D電話,一日N次...
其實公司D電話線同FAX線本身已經好有問題,而家問題越來越多,真係煩.....
不過我老板都幾好人,D同事都OK啦,我而家得反4個同事咋之前炒左2個男人...老闆成日請我食野,不過我太窮啦,請唔到他們食野
N日前,公司有人上門,同我SELL廚刀喎,一SET5件,$78,我 O 左咀....跟住經理就打發走他了,我諗我都要學下點應付呢D SALES啦!
上上個星期六,老闆叫我一齊去出海做善事,放生D魚同龜,但我都唔太想去,結果就捐左$20...係我最窮時要捐助$$.....真係唔太想...
唔記得邊日,有個小姐帶左D西餅找經理,老闆話可以食,但我又唔係好聽得清楚,老闆一出去見客,我就問張小姐可唔可以食,我已經虎視眈眈左好耐,亞張小姐又話唔知,但係她仲為食過我,我問完,她就即刻閃去打開D餅,話人地係比我地食,又話會溶,講左好多藉口,仲想食曬D餅,唔留比其實人添呀,我食左一件,等到放工無人食,就食埋第二件,真係好味呀
上星期五,臨放工時,老闆叫住我,問我多唔多著裙,原來佢想送裙比我,佢比左一條連身裙我,佢話佢著唔落,講講下,又話我著衫太樸素,又話我唔打扮,問我好無請D YOUNG D 0既人反黎,等我有心機打扮喎,我咪即刻話好LAW XDDDDD佢又話我太瘦,無前無後著3唔好睇,又話我寒背,又話其實我幾標緻喎........真係0羊都比佢睇穿曬.......我應該多謝佢讚我定嬲佢貶我

美好的上午 

2005年06月27日(月) 15時28分
今日返工遲左到,阿媽囉,又唔叫我起身.....
返到公司門口見到有燈,原來陳經理已經反左黎,比人知道我遲到添!!幣
我同佢打左招呼,跟住就做自己野,吸塵,抺野,洗杯,倒垃圾......
我今日特登著裙仔,老闆見到,仲讚我添
仲有呀,張小姐話佢賭馬win左千幾蚊,話請我食野呀~好開心
講住0甘多先~

15/6/2006 

2005年06月15日(水) 18時31分
今日又非常無聊,老闆同經理都唔係度~不過就算係度,我都係無当做...o....所以先係返工時間打日記^^其實返工好悶,我寧願忙d,因為可以學野同時間過得快d!我同同事仲未熟,不過都有傾幾句計 0甘,可能因為我太介意年齡既關係,總係唔可以傾多D~=.=lll 佢地成日煲煙,好鬼臭,而公司同事傾計既topic我又唔識,佢地講投資,股票等...我只好o下咀. 有樣野令我唔多開心,就係成日打錯字,又打得超龜速,好討厭...可能我有打字缺陷症,之前f.4~f.5有學打字,同期既同學打得好好,全班得我打得唔好,error勁多,學左2年,speed都係35wpm.其實個時我放學一得,就去打字,亞牛成日都去typing room找我,人地打完功課走得,我就practice到閂門,個校工成日都見到我添,好可惜我就係no進步....好無奈....why??? 返工成日要用電腦,經理又要我研究點用電腦直接fax,又要直接print信封,又要用AI(SOFTWARE)我都唔識用........又話係電腦度SET LIST,直接FAX比幾十個客,但我又唔識.仲有呀,公司D電話線同FAX線7國甘亂

第三日 

2005年06月03日(金) 23時51分
今日陳小姐又著吊帶裙,連續3日啦.今日做左好多野,多到記唔到,老闆又唔鍾意一問再問.....我都未做完手頭上既野,又要做經理既野.......雖然唔係好難,但係好煩.........

第二日in貿泰 

2005年06月03日(金) 23時35分
今日工作都ok啦,老闆話人齊,所以請左我地食飯,公司樓下間茶樓好抵食,食得好飽.不過同仍佢地食,有d尷尬.. 今日又唔見左個鍊咀,好唔開心,搵到9點先放棄,大撈海針.......我已經5見at least 4條.....

新公司@貿泰 

2005年06月03日(金) 23時03分
1/6開始有得反工lu~公司係荃灣南豐,亞魯聽到,鬼咁緊張,哼,身有嗎!? 我放左工可以成日行街~ 第一日返工,個老闆都幾好人,成日講笑,不過佢份人好直~有個句講個句!原來除左個老闆同經理外,其他同事同我一樣,都係第一日返工,又係冇乜人同我相同年歲咁囉~佢地ga工作同我唔同,我係文員,佢地係sales representative.第一日都係做d好濕碎既野,我個位好細,好多雜物..............

聽日返工 

2005年05月31日(火) 22時07分
今日有十萬個電話打比我,有d叫我去interview,有d叫我返工,其實都好開心ga!!有一間係華輝車房,另一間係貿泰.華輝本身已經成日搵我,好想請我咁,我本身很有d興趣,覺得得意呀嘛.不過因為人工和環境都係貿泰好,所以揀貿泰.不過我好怕拒絕人,要拒絕華輝,真係唔係咁好....其實我對華輝的感覺唔太差,又怕佢冇人用....唉~識我既人都知我優柔寡斷,好難下決定.真係有工又煩,冇工又煩.
之後華輝打比我,我呃佢話我屋企人唔鐘意我係車行做,得2個女仔.佢都冇問太多,我就一路say sor(sorry).我其實都唔太明貿泰點會請我,我有好多softeware都唔識,見工時又好求其(係suddenly見的)乜都冇prepare,又冇正式in過
有d驚又比人炒,mm話佢公司今日炒左個女仔...唯有盡力做啦!!
ps:天生我才必有用,十分相信了~(之前不是不信的嗎?)
P R
2005年11月
« 前の月  |  次の月 »
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
最新コメント
アイコン画像CorisBoo~~
» 遺忘了的日記......... (2005年10月16日)
アイコン画像
» 好耐無寫日記... (2005年07月03日)
アイコン画像Donald仔
» 第二日in貿泰 (2005年06月04日)
アイコン画像Donald仔
» @ (2005年05月30日)
アイコン画像Donald仔
» 渇望童話中的愛情 (2005年05月30日)
アイコン画像網主
» 27/5 (2005年05月28日)
アイコン画像網主
» 第三日 (2005年05月28日)
アイコン画像網主
» 失敗.... (2005年05月28日)
アイコン画像文Car
» 27/5 (2005年05月28日)
アイコン画像LL
» 第三日 (2005年05月28日)
プロフィール
  • プロフィール画像
  • アイコン画像 ニックネーム:daisy1029
読者になる
Yapme!一覧
読者になる