激死 

2005年06月16日(木) 0時03分
已經有好多日都冇打日記, 太忙喇, 真係見到computer都怕怕 !!

我就忙到死, 亞wing就玩到癲, 亞head果然唔同d, 日日msn冇停手 !!

唔係同jacky傾電話就係msn, 唔好噤啦, 比d面啦, 做下樣都要呀 ?

好鬼激氣 !!

唱k 

2005年04月30日(土) 12時50分
今日放工去左探亞麻 , 因為晚上要同亞俊搞b-day + 亞妹"花威"爸地...... n.n

見亞麻都好精神, 放心晒, 坐左一陣就急急腳出去唱k

去度已經全部到齊, 真係唔好意思

唱左幾首何韻c既歌, 連新歌都有呀, yeah

重真係唱左"mouse love rice"比老公聽, 都係亞俊乖, 見我黎, 就幫我點左先, 唔洗等噤耐

亞妹真係好玩得, 唔蝕噤囉, 一去到已經玩緊, 重要越玩越癲, 學亞wing話, 亞妹唔o岩亞俊, 太大小姐, 溝唔到都好架

噤又真o既.......邊度得丫

好彩冇叫亞妹一齊落d, 見佢噤玩法, 真係怕左佢.......又潑香檳又想玩蛋糕, 哎~~~我最怕d人噤架喇

見到亞俊好唔開心, 唔知係悶定見亞妹唔理佢, so not happy la

又見亞wing好似唔開心, 唔知關唔關jacky同亞妹玩得太癲呢? 之後臨走前, 要影大合照, jacky 一手抱亞wing坐佢大脾, 亞wing先識笑

嘩.... 唔好玩啦..... 佢地真係.......唉~~

十一點幾就走喇!!

亞豆今日生日喎 ~~~ 1/5

靴蜜士 oh~~yeah 

2005年04月26日(火) 23時45分
買左個新袋.....yeah.... 想買左好耐, 覺得人人都拎假LV, 自己就用幾千蚊買個真O既比人估, 好唔抵

比錢都比得值D丫.....買都買個冇假野o既牌子啦

不過Herm'es真係好貴, 除左呢款布袋外, 就係帆布袋, 再唔係就kelly bag, 成萬蚊個, 我估我未有能力囉

好開心哩 ~~ 雖然有d小插曲, 不過都總算如意 !!

下次丫, 有錢O既, 我都係會買Herm'es 送比老公!!

幸福, 

2005年04月23日(土) 0時16分
睇左亞虫日記, 有d擔心....

不過自己都顧唔掂, 可以點 ?

呢兩個月過得好辛苦, 以前唔知搭ゥ壓力, 而家知喇, 噤都幾幸福, 成廿九歲人先第一次feel到搭ゥ壓力

可能我亞Q啦, 好多時我都想到解釋令自己開心

有理由要自己唔開心, 我估都應該有能力令自己開心

雖然冇得買野都好辛苦, 不過想到可以儲到幾千蚊, 就開心番, 因為原來其實自己都可以儲到 $$ ......

我都好慳架, 不過都係唔明, 自己其他 $用左去邊, 又真係冇買到衫喎 ?!

佢重要我次次都mark低自己用左去邊, 唉....已經冇多餘 $用, 連果小小自由都冇 ? 唔好噤對我啦 !

其實我都知, 真係唔可以噤, 起碼將來有起事上黎, 佢唔理我, 我都唔洗比人借 $丫

而家係就係, 冇$佢會比$我返工, 不過真架喎 .... 如果噤, 我就唔可以獨立囉

不過男人唔係唔需要女人獨立o既 ??? 唉 ... 唔理喇....太多野煩喇

返工好唔順, 同事又唔可以噤信, 份工又冇意思...

唔做又唔得播, 呢d就真係叫捱喇

下個月plan去學nail, 知道佢對自己冇信心, 真係....好唔傷心

好怕要佢比$去學野, 因為知道佢要有回報先付出 (當中包括我)

做野已經好難捱, 日日都訓得唔好, 真係好辛苦

日日都問, 點解要擺酒, 乜唔係開心o既 ????

避難所 

2005年04月16日(土) 0時51分
好多人都對"避難所"有唔同o既睇法 !!

我希望"家"就係我o既"避難所"... 當我o係外面遇到唔開心, 覺得疲勞o既時候, 我特別想起呢個"家"

記得老豆曾經同我講過 : 出面有梼, 只要你想, 隨時返黎都得

我肯定, 呢個"避難所"就係"家", 裡面有愛我o既人

人大左, 組織一個"家", 以為都係大家o既"避難所", 大家有沮喪o既時候, 互相支持

點知, 原來自己做o既未夠好, 以為做女人, 只要存心愛男人, 就足夠!

現實係.....冇人可以一世o係"避難所"捱麵包同飲水

我只係知道, 我揀o既老公, 就係最好

原來, 一路未夠好果個....係...自己

亞虫b-day 

2005年04月05日(火) 2時27分
星期一返工, 尋晚臨訓前飲左雞精, 都係想今日精神d !!!

點知, 一早亞虫就打黎, 唔係講佢生日, 而係話比我知 : 老豆入左醫院, 因為懷疑心跳過快, 驚中風 .....

下..... 唔係呀......

好驚, 因為知道中風會死人, 因為美珊老豆都係噤先走左

心情好沈重, 好擔心, 想同人傾, 又搵唔到對象

卒之...同左yahoo裡面o既彩雲coco傾左一陣

原先亞俊book左檯去飲茶, 都冇心機, 佢地又話就我, 改星期三, 唉~~~ 我真係唔想去喇, 都食唔落, 又唔想笑, 都係唔去喇

佢地都冇迫我 !!

elaine走黎問我做答I食飯, 我忍唔住喊左出黎 (真係好冇用)

打比老公, 第一句就話 : 老公, 我好擔心老豆呀......(之後就不停喊)

可能太大聲喇, 連坐噤遠o既elaine都聽到, 重打比沙比, 叫佢打黎安慰我

elaine都有叫我走, 不過我真係唔知可以去邊, 唔通去醫院, 去到咪又係喊......

沙比打黎, 聽到我喊都叫我走, sorry 喇, 我真係唔想走呀

佢地後來重買埋野比我食, 真係多謝晒!!

好彩...最後老豆都冇事

晚上重去左樂華食飯, 見到老豆噤大聲講野, 就真係知佢冇野喇

放心晒 !!

可憐o既亞虫就冇得出去慶祝生日喇, 因為亞溥屋企都有事.....

好彩老公都買左個brithday cake比佢

亞豆都趕得到返黎同大家食cake

希望下年屋企平平安安, 又可以同佢搞生日啦 ...........

假民主 

2005年04月03日(日) 1時57分
同亞B慶祝生日, 去左朗豪坊食義大利菜, ar.....係日式義大利菜

我最鐘意食芝士豆腐, 真係好好味呀 !!

之後上左jimmy屋企, 傾下講下, 就傾到我出job

唔鐘意佢地講到噤, 講到一定只有sales做, 噤我唔明, 點解我要花成皮野去讀個course, 再走去打工做sales

我做office都懷疑自己同人夾唔到, 而家重要迫我去做sales, 同人爭comm.?

一出黎做野, 我發過誓, 非要冇飯開, 我係絕對唔會去做sales.....

. 我都試過做化妝品sales, 重係未有sasa既時候, 不過果次我真係冇飯開, 我先去做

係我立場, 我去學係因為唔想打工, 真係想做freelence, 但係今晚就幾個人係噤叫我去做sales

我真係唔明 !!

我知sales係搵到錢, 但係如果要我全心為左錢而日日捱的話, 我估比我而家更辛苦

綺文成日都講錢, 有時真係好煩, 平時聽就當冇野, 今日聽就特別討厭

唔係人人都噤鐘意錢, 我都明白, 錢係可以解決一切, 但要我迫自己去做d唔想o既野, 我寧願捱窮 !!

人各有志姐 !! 我唔鐘意人地晝個圈比我, 叫我跟住行 ......

已經因為公司事好煩, 好大壓力, 又唔可以好似以前噤, 話轉就轉, 而家讀左化妝, 又比人迫去做sales .........

我好討厭 有時唔想講, 就比我靜下囉, 講出黎, 就迫我去接受佢地o既意思, 何必假民主呢 ?

老豆生日 

2005年04月02日(土) 1時46分
晚晚都差不多十點幾先走, 真係好辛苦......

卒之都等到放假, 點知老公又催我返屋企, 以為陪佢覆診, 點知原來佢發燒...不過又唔睇醫生喎 ?! 吹 !!

佢訓我又訓, 等到七點幾就出發去將軍澳食飯, 係同老豆慶祝生日

八點幾先到, 個個都到齊, 重留左亞麻隔離個位比我 (重要人物先可以坐架 ....)

食下吹下水又一晚, 之後又同亞豆, 亞虫去飲野, 重有彩燕同亞溥

好好笑....亞溥都有好笑o既一面

心痛 

2005年03月31日(木) 23時41分
你突然打黎, 話我知你整到, 原先我以為你又係小毛病, 整到手腳, 點知.......原來你o係醫院

你話比我知, 你整到隻眼, 一時間, 我想起偉賢都曾經整到眼, 有條深深o既疤痕

你再話我知, 你痛到暈左 .....

我...... 我好驚 !! 另一個畫面隨即出現 .... 我想起, 我都曾經試過痛到暈

我知道..... 一定好痛好痛

你知唔知道, 當時, 我個心都好痛, 好痛 !!

聽到你強裝冇事把聲, 我更加手震 ~~

你只係不停叫我唔好驚, 唔洗怕, 你話你冇事, 叫我放心 .....

我 ..... 好想喊 ..... 不過 ..... 唔想你太擔心

一剎那, 我想起04年o既同一晚, 你都曾經o係醫院, 捉過我雙手, 流住眼淚同我講 "唔好喊 ....."

..............

我 ..... 好驚 ..... 好想飛奔去見你 !!

你呢 ?

你.....知道o麻.....你一定要比我強壯

因為......

我o係你身邊..... 只係一個弱者

好忙 

2005年03月30日(水) 23時01分
呢幾日都好多野做....覺得好辛苦......

日日都八九點先收工, 又冇ot, 又冇人知.......

今日去左搵學校, 平好多, 都係學手技姐, 唔貴都ok架

原先想學左出去學人開舖, 個個都想自己做老闆啦, 不過想深下, 冇乜保障

想好左, 都係儲左一班client先開得 !! 我估都要半年啦.....唔想老公太辛苦
2005年06月
« 前の月  |  次の月 »
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30


プロフィール
  • プロフィール画像
  • アイコン画像 ニックネーム:blythehoney001
読者になる
Yapme!一覧
読者になる