平安夜 

2005年12月24日(土) 23時48分
今日係平安夜,不過上午仍然要返工。今朝好忙,但係最後都算好彩,1:30就可以走喇。
之後返左青衣飲茶,由於唔想出去食飯有排等,所以最後決定0係老公屋企食左飯先去街。
9:00我地出發去尖沙咀,差不多10:00去到,之後打算沿海旁行,但結果警察封路既關係,攪到經常沿地踏步。
最後行左2個鐘左右就返屋企喇。

懶惰 

2005年12月11日(日) 21時12分
今日本來要補三個學生,但係補完第一個之後就已經唔想去補喇,因為實在好倦,由星期一至日都要做野,偶然都想抖下。
於是就打電話推左個補習喇,跟住買左腸粉同燒賣去老公屋企。不出所料,老公當然未起身,好彩有伯母開門比我。(其實我之前已經打左電話去老公家,有人才決定唔去補習),之後叫醒老公一齊食早餐。
下午我地一齊去麥當勞買野食,順便租左隻vcd−魔幻賭船,不過唔係太好看,因為無劇情,只是講人生哲理。

保仔飯 

2005年12月07日(水) 22時27分
今日準時6:00放工,因為約左老公出旺角行街、食飯。
出到旺角發覺真係好多人,不愧為旺角,跟住去左行運動鋪,因為老公想買波鞋,但最終係行左十幾、二十間都看不上眼。之後由於太肚餓,所以買左串魚蛋同牛什食,仲買左一杯椰汁芒果西米露,而老公就要左杯益力多沙冰。
行左一輪,都係一無所獲。最後就決定去廟街食保仔飯喇!!

青衣村餐廳 

2005年12月05日(月) 22時21分
今日放左工之後約左老公食飯,原本打算試下新開果間台式餐廳,但結果因為太多人,所以放棄左。最後我地去左青衣村果間餐廳,食$40好抵既鐵板餐。
之後就上左老公屋企執衫,去到樓下發現有好多警察同採訪車,不知道發生什麼事?

放假 

2005年12月04日(日) 23時16分
今日星期日,不過都要一早起身,因為要補習,由10:00補到1:00,之後就返青衣。
由於老公話想看龍x威2,於是我就去租喇,仲順便買左20張套票,等他得闡z租時可以自己租。
不過由於隻vcd質素不好,所以中間有段看不到,亦沒有想像中好笑。

SHOPPING 

2005年12月03日(土) 21時56分
今日星期六、所以1:00就可以放工。之後打比老公,原來他已經在地鐵站等我。
之後我地去左荷里活廣場食野同行街,對上一次去好似已經係幾年前。因為我話好肚餓,所以一去到,就去食野,我揀左去寶島茶居食我好喜歡的米線。
食飽之後,我地就行商場,最後老公在KELVIN & SAMUAL買左條 DENIM JEANS,終於買到。下次目標就係鞋。
跟住我地去左APM,其實都沒有什麼好行,D鋪頭好大、但大多數都不太適合我們,有點像又一城的格調。不過,剛巧亞SA同霆鋒在APM做宣傳,所以可以見下他們真人,都沒什麼特別,看了一會就走喇。

訓話!? 

2005年12月01日(木) 23時40分
今日下午同兩位舊同事食飯,大家講開男女關係。
他們不斷教我應該如何對男朋友,我明白他們一心是為我好,但總是覺得有些想法不太妥當。
如果真心愛一個人,大家分手了,即使擁有他的錢又如何?難道錢可以彌補心靈的傷?
儘管今天被他們不斷指蠢,但心知他們只是關心我,所以並沒有生氣。
不過,真的有點懷疑自己在這一方面是否有點問題,總是惹身邊的朋友不忿、擔心,或是我身邊的朋友實在太強。但無論如何,我想他們的提議我還是沒有能力做到。
慶幸的事,當我有事的時候,總有一班朋友在我身邊安慰及支持我,雖然他們指若再有下次就不理我,但我知道他們是口硬心軟。若我真的有事,相信他們還是會在我身邊。


2005年12月
« 前の月  |  次の月 »
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
最新コメント
プロフィール
  • プロフィール画像
  • アイコン画像 ニックネーム:astawong
読者になる
Yapme!一覧
読者になる