ami の 秘密 の日記

各位 大家好
好多謝大家對我呢個 blog 既支持
我要同呢個 blog 講 88 啦~
連日來我會將 yaplog 既文章搬到去 sina
因為我想將我既 blog 搬返去 hk 區
sina 試左成個月都幾好用
如果有朋友仔行過呢度既話…
我要同大家講句 "對唔住" 啦~
因為 yaplog 既 「ami の 祕密 の 日記」 會開始暫停更新
如果想知道我近來既生活日誌
可以去 --> 「 懶得理你 」
因為呢個就係我係 sina 既新屋 !!!

舊家 : ami の 祕密 の 日記
新家 : 懶得理你
hompy : 艾美的玩具店
miniworld : 胖胖的迷你貓窩

• 日記 | 
• URL | 
• Comment [10] | 

睇見人地個 blog 有寫
放條 link 係度
自己去睇啦~
真係好正架~ 好想試!!!

http://52tuberose.mysinablog.com/index.php?op=ViewArticle&articleId=160348

• 日記 | 
• URL | 
• Comment [0] | 

因為瑩瑩既關係
今日去左佢間中學聽升學講座同拎成績表
講座好悶…無�東嚼ﾝ性
我同瑩瑩私底下商量左揀商科讀
因為佢唯一有興趣既科目只會出現係文/商科
而佢又唔中意讀中國歷史…
所以順理成章就揀左商科啦~
聽完講座之後就上班房拎成績表… ( 第二次測驗 )
11科只得4科合格…orz
算吧啦~ 我都知佢唔係�捺､書材料…
希望可以幫佢搵到佢有興趣讀既野
等佢自己發奮讀書啦~
拎完成績表都成8:00…
不過一出班房就見到好靚既夜景…
於是拍左一張留做留念…



另外仲見到每個班房既門都好靚
聽瑩瑩講係由學生畫上去… @口@
真係好有心思呢~


↑ ↑ 我細妹 - 瑩瑩 ( 中3 )

• 日記 | 
• URL | 
• Comment [0] | 

今日唔知�梼磨c好眼訓…
尋晚 2 黠鐘度已經頂唔順要去訓
一路訓呀訓…
訓到今日 2 點幾先起身…
仲要係比男友叫醒食野…
食食下野都已經好眼訓 ( 因為仲未訓醒 )
所以食完之後又即刻去左訓覺…
訓呀訓…又訓到男友打電話來…
聽電話既時候都差不多快 6 點啦~
一直訓都無醒過…
男友知道我仲訓緊例版插我兩野…
話我無幫佢打機…咁訓落去唔得等等…
問候下都無… = ="
我都唔知點解咁眼訓…
唯有答佢 : 「 我真係好眼訓，所以咪去訓囉…」
佢聽到之後都無我辦法
之後就無再哦我…
尋日睇完 " 女人唔易做 "
我覺得我男友都係�涛s管住哂…
佢話咁樣係關心我…
但係就叫我唔好做�答I好去邊…
雖然我當佢講既野都耳邊風
不過去完返來如果病既話就會比佢罵過狗血淋頭
話我唔聽佢講唔好去，去親都實病…
我就係出得去少係屋企又唔做到運動
所以�湯�抗力都無…
佢成日話我養肥佢等佢無人要
而我就比佢困係屋企等我身體變差�湯n方都去唔到
我係咪要返抗下呢?
我有講過我既感受，係屋企好悶
但係佢話 : 「 我都想日日係屋企打機呀 ! 你出去搵錢丫 ! 」
講到咁…我無野好講…真係想走…
如果你覺得男人出去做野搵錢係一種難為你既行為
咁我唔需要一個連做野賺錢返屋企養老婆都唔願既人…
�盗S態 ? 仲話要同我結婚 ?
究竟要我照顧你 ? 養你 ? 定係你照顧我 ?
宜家係我心裡面都一直好唔安落
現今呢個世紀…
無話邊個照顧邊個
不過最少我希望當我需要佢支持既時候
佢會無條例咁係我身邊關心我…
但係而家呢個男友…
我感受唔到…
係因為無機會去表現�� ?
所以一直拖拖拖…
我應為一個機會都唔比佢係對佢唔公平…
但係又有邊個可以對我公平 d 呢 ?

• 日記 | 
• URL | 
• Comment [0] | 

新買既記事簿~
係 Rilakkuma ( 鬆弛熊 )
搵左好幾間先有記事簿賣
四十幾蚊都 ok 丫~
佢同我一樣都係中意 "訓覺" |orz

• 日記 | 
• URL | 
• Comment [4] | 

尋晚覺得喉嚨有少少唔掂
仲佢男友講聽日要去睇醫生
點知睇完醫生話我感冒
而且仲係來得好急個隻
我都知中左招架啦~
不過點都估唔到係食完藥會訓到死左個隻囉~
真係濕制… >"<
係精神極度唔集中之下陪左男友玩一陣仔 wow
上左一陣仔網睇野…
食完飯之後睇完 "女人唔易做" 之後
又再度睡死…
醒訓既時候望一望個鍾…
原來只係訓左一粒鐘左右…
見精神好 d 就上來打下日記
睇下野收下信…等等雜務…
收到朋友既電話打來問我…
如果有飛，星期一去唔去睇演唱會
我梗係答好啦~
容祖兒既演唱會都幾好睇既 ^^
希望星期一就�燈a痛都無哂啦…阿門 !

• 日記 | 
• URL | 
• Comment [0] | 

今日一起身就情緒底落
做�涛s無興趣
食野無興趣…
睇碟無興趣…
講野都無興趣…
男友問左我好幾次發生左�梼�?
我就連答佢都無興趣… = =
到左夜晚去廁所先知…
原我我 m come…
點解無端端會來???
我明明食左藥唔夠幾日
之前都有來到喎~
咁快又來???
於是我去睇下我排藥…
原來我唔記得食藥到第 4 日啦~
所以 d m 又來
因為我係用藥來控制日期
所以唔記得食就會以為你食哂要 stop
之後就會 m come
而家諗諗下…
男友又唔怕用套我想唔食藥
之前會開始食係因為我身體唔好
試過 4 年先來一次經
之後問過醫生食左呢隻藥無反效果
先用藥去控制每個月都來一次
之後先至好 d…
因為之前來親都大病…
而家個個月來就無時啦~
不過近呢2年我身體開始好起來
同埋試過唔食藥經期都有準時來
所以我考慮緊以後都唔食 ^^

唔食藥唔代表我想生 bb
不過如果真係有左我都會生落來
因為有小朋友係一種緣份~

• 日記 | 
• URL | 
• Comment [0] | 

尋日下午既時候本來唔係好開心
因為男友迫得我太緊
於是忍唔住情緒好 down…
好彩有個朋友之前叫左我去 karaoke
本來仲諗住會唔去
到最後估唔到係因為去左先令自己開心返

自己本來都好中意唱下歌熱鬧下既人
但係因為男友，我真係好少出去唱歌
有幾少? 嗯~~
大約一年去 2~3 次左右…
真的太少吧~ 對一個喜歡唱歌既人來講
唔好講男友唔會同我去
連朋友約都�K面…
朋友佢唔係唔知邊個…
佢只係唔想我出去…
安全問題��? 唔係喎~
因為我 d 朋友一定會送我到樓下 !
佢地仲個個都好樂意 ^^
我 d 朋友都知我有個拍左咁耐既男朋友
跟本就唔會有非分之想
除非男友小氣自己唔去又唔比我去
如果唔係我都唔知因�悼�救啦~

講返 karaoke 先~
真係笑到 look 地~ ^0^
我個 fd 有朋友生日 ( 我都見過下個 2 個女仔 )
所以開左間房玩到癲哂~
又掟蛋糕又噴香檳
仲玩到扯爛哂 d 衫係度行 fashionshow ^0^
真係好開心~
佢 d 朋友個個都好正經會錫住女仔玩
而且仲唔會心術不正個個都正人君子 ^^
因為呢 2 日來遇到 d 變態減濕痴線佬
個人既神經已經拉到好行好容易敏感發皮氣
好在有出去散散心先無攪到自己自閉發作 = =

唉~ 你話死唔死丫~ 男朋友唔識照顧我~
佢知我發生過呢 d 事直頭當�陂b家常一 d 都無理過我…
男朋友比唔到安慰我
要我自己去開解我自己…
咁男友呀男友~ 你做有 d �桃�用呀 !?

• 日記 | 
• URL | 
• Comment [0] | 

尋日搭巴士既時候遇到痴線佬…
初初又係無端端走來坐你隔離
然後呢個就突然間係度大叫 = =
跟住我就等都無等即刻走左去第二度坐
真係激死我呀!!!!! �K到痺~

• 日記 | 
• URL | 
• Comment [0] | 

>"< >"< >"< >"< >"<
好討厭呀~~~~~~

夜晚同媽咪婆婆們食完返
一個人搭巴士返屋企
本來都無�投�
但係坐多幾個站就有條麻甩佬借 d 依坐係我隔離
因為巴士上面有好多位
而且我前後都無人坐
於事我就即刻發現到佢有問題…
個仆街一坐落來就貼到好埋 ( 掂到我手臂 )
因為佢坐左係出面我坐近窗口位
又因為架巴士開左站
於是迫住坐到下一個燈位
點知好死唔死又上橋 = =
我忍左幾耐先可以走返落下層坐
個賤人仲一路坐一路用佢對死人眼係咁上下打量
真係想插爆佢對眼
因為仲有排我先落車
所以怕左佢走左落下層坐
然後坐左係近門口位
點知個仆街係我就到既前幾個站無端端走左落下層坐
雖然佢無坐係我隔離 ( 因為我坐左係走朗位 )
不過佢就坐左係樓梯下面第一行
即係斜對面…
佢竟然唔怕醜仲不斷令轉頭望我
我比佢激到嬲嬲地大大聲問佢 : 「你望夠未呀?」
佢好似借左聾耳陣對耳咁當我無講過
一直係我既怒 ber 之下仲不斷昅我…激死我 !

到我要落車既時候我不斷咁望返轉頭睇住佢有無跟埋落車
見到佢無落車我都無咁驚…
不過就攪到我個人成個都好緊張好唔舒服…
成日望下自己有無著錯衫 = =
明明就普通過普通 t-shirt 長裙…
我心口又唔係多肉都唔知想昅�当�
落左巴士打電話比男友話佢知有喊濕佬…
不過佢既反應好似無我想像中咁緊張
只係講如果佢係度就會打個男人… ( 平靜地講 )
我就答左佢一句 : 「你係度佢就唔會坐係我隔離啦~」
心諗…真係唔該哂你咁樣安慰我囉~

• 日記 | 
• URL | 
• Comment [0] |