休息〜 

2005年07月07日(木) 1時34分
因為病了的關係〜無做過当〜
成日都留係屋企到休息呀〜
所以沒有甚麼東西寫la〜辛苦!

生病了〜發燒〜 

2005年07月06日(水) 1時17分
好唔舒服呀〜發燒中!!! (〜_〜)
因為不太想吃東西〜應該係完全無意欲令我想去食野先岩〜
所以我成日都沒有食過野落肚呀...(真的覺得自己有點至Q
只係夜晩個時覺得有點口淡淡〜很不舒服〜便食左個橙算了〜
「可能因為尋晩聽到了一些東西〜
而個一刻對我來講就好似這樣子
支持了那麼久〜結果始終自己都頂不下來〜再也支持不了〜
而且我整晩又沒有訓過〜只係不停的想著他那番話...
又想著以前很多東西...所以就這樣便一下子給自己病倒了〜
現在的我很辛苦〜但我覺更加痛苦〜!
而我的心情〜我的想法〜到底那個人...又可會知道〜!?」


跟住因為訓唔著〜所以同野郎朋友講電話la〜
跟住又唔比巨去訓wor〜死都拉住巨同我傾多陣〜
之後我突然好認真甘講左樣野出來〜
但我都話唔好講出來架la〜!
一講左出來之後既反應同結果就.....
o恩〜o恩〜不過我都明白的!
所以.....我覺得不可以再阻礙他的時間〜
因為我都希望他真的可以找得到〜

我一定要討回公道!!! 

2005年07月05日(火) 0時59分
今朝 好早7點幾就醒左〜依家日日幾乎都係7−9點這段時間醒la〜
又無電視睇〜所以又係唯有對住部電腦ba...
起左身先知肥肥媽媽今日唔洗返工wor〜因為聽到巨行來行去既聲la〜
而肥肥媽媽毎地朝返工出門口前都會入我房熄左部冷氣的〜
所以巨今朝一開門就見我坐左係到玩電腦 既時侯〜
都有D驚訝見到我甘早就起左身o阿〜哈哈!
跟住我就問巨今日唔洗返工刀`原來巨請左假同公公復診去睇醫生〜
之後肥肥媽媽就分附埋我〜叫我灑左洗衣機D衫跟住就出門口喇〜

頭文字D好好睇呀〜 

2005年07月04日(月) 11時02分
今日個日記會長d架〜希望大家唔好介意呀〜
之前我唔係講話會去睇阿rain既〜我成7:00pm先出門口去睇〜
但個宣傳活動係7點鐘開始〜舉行這類活動〜主角通常都會是遲來的嘛〜
而且我搭車去5分鐘就到愉景新城〜因為都幾近架〜
明知都已經遲出門口架la〜但我落到街〜都唔係拿拿聲走去搭車〜
而係第一時間走左入去7仔買支水飲〜哈哈〜 ^^
始終自己都只係抱住看一看的心態ba〜
所以遲了也沒所謂la〜搭緊車既時候〜
一路都同kinki講電話〜問巨架車去到邊呀個d〜差唔多到既時候〜已經望到個商場裡面有好多人o阿〜重要係連商場門口出面都一樣好多人〜
而且重見到有好多閃光不停閃〜
我就同kinki講”唔係已經到左喇嘛!?”
一落車〜即刻勁快行過去〜但竟然封左個門口入唔到〜出面又好多人企係到〜
根本連睇都睇唔到〜而且又熱wor〜
所以即刻由第二個門口走入去〜
可能入到去都係會睇唔到〜
但至少有冷氣唔會那麼熱先la〜
未行到去已經聽到好多尖叫聲呀〜    好多人係我前面〜遮住左我涛s睇唔到〜
於是我左攝下右攝下甘又行前左少少〜終於都睇到阿rain喇〜
不過係睇大電視個到〜 但總好過連睇都睇唔到la〜
之但係我睇到既時候〜阿rain已經講byebye準備離開呀.....
我完全想不到阿rain只係留左一陣間就走〜有點失望la〜
當時即刻已經聽到hui聲〜甘又難怪會有既〜留係到十分鐘都無!
而我聽到身邊既fans都不禁講左句「下〜甘快完左架喇〜!?」
之後打比kinki〜打算問他係邊〜不停打都打唔通〜打到個人都有D急〜
應該係巨又打比我〜我又打返比巨〜所以先會這樣la〜
終於都打得通〜即刻講我係邊到等緊阿rain架車〜
個一刻自己就想返之前V6來香港時同亞B他們一齊追V6的感覺〜
重要個時一齊比大搜茶訪問〜我就係拿住隻香蕉果個人喇〜哈哈〜
想返起心情都有D興奮〜好懷念o阿...
(但到現在為止〜只有V6先會令到我繼續瘋狂la〜 哈哈〜)
他們到底幾時再來香港呀〜好掛住”健健”他們那六隻野呀〜

阿”rain”來港宣傳 

2005年07月03日(日) 16時28分
今日7點幾好早就醒左〜但我尋晩成4點幾先訓la〜
又係訓得3個鐘之後就自動醒左〜訓唔著o阿〜可憐!
近排都是這樣子〜所以我早已經變左做panda了〜
因為訓唔著既關係〜我就起身整早餐食喇〜
又係食我近期最喜愛的印尼牌”撈面”la〜「美味しいですね〜」
因太早無涛d視節目睇既關係〜7點幾這個時候還是播緊香港早晨la〜
所以我就返房睇返深田恭子套日劇”富豪刑警”〜
講真的劇情不是太好看〜要提一提劇裡恭子的爺爺是個超級大有錢人〜
雖然我覺得講到爺爺有錢到好誇張〜(因為D對白再加上場景關係)
但我都係好想試下做他的孫女呀〜哈哈! 
恭子是做個有錢既警察〜出入都有一架好長既房車接送〜
但完全一點架子都沒有la〜而且恭子還真的好可愛lei〜
睇完後已經11點幾〜開始有點眼訓〜所以去小睡一會〜
訓到3點幾醒左〜跟住沒有東西做〜又係上網〜睇下網頁打發時間ba〜
跟住就好快7點幾喇〜就去左睇電視〜今晩既勁歌金曲有阿”rain”表演〜
(阿”rain”就是浪漫滿屋裡面那個”李英宰”la〜)
他今次來香港是宣傳唱片〜及舉行歌迷聚會〜
嘩〜真的不看不知道〜他跳舞真的好勁o阿...
而且唱歌都幾好聽〜唔差呀〜不錯〜不錯!
因為睇過他表演之後〜我就突然決定左一樣野喇〜
就係聽日會去全灣愉景新城睇阿”rain”〜
因他會到那兒宣傳唱片活動〜去既目的就是想看看他真人是怎麼樣子la〜 ^^
而且我都住係全灣〜重幾近那地方添〜所以點解唔去睇下他的真人lei〜
還點留係屋企都無野做〜就當順便出去行下嘛!
有點期待lei....哈哈〜! 
但我不是他的fans〜我是欣賞他la〜
最後總結 :
今天全日我又是留在家裡渡過la!!!

亞曼第一次打日記!? 

2005年07月02日(土) 17時34分
首先就是〜熱烈地歡迎大家第一次來到這裡〜
其次就是要講的〜我剛才打好的日記〜不小心給自己按錯了制〜
一下子就全部沒有了〜第一次打日記就遇著這種事情〜
我的天〜(大叫)人家打了很久嘛.....
害我要打多一次la〜但還是自已拿來的!!!>o<
哈哈〜想不到亞曼都會打日記ba〜是否有點感到意外lei〜!?
其實自己一直都好想打下日記〜但始終都沒有切實地去做過〜
但今日上網偶然下看過其中一個友人的日記後〜
突然之間就好想擁有一個屬於自己的日記〜
而且我覺得有了日記之後〜至少我人生中會有返點寄託〜
同埋可以給朋友們了解清楚和知道多一點”亞曼”的事情ba...
未來的日子〜希望我可以繼續維持這個日記la〜頑張ります!
還有今天是V6那六隻其中一隻的生日呀〜 
就是我最喜歡的”三宅健”喇〜「健ちゃん〜お誕生日おめでとう〜」
原來他今年已經26才了〜有點不太像ba〜
不過他好像開始走成熟路線似的〜看他留那把頭髮就知道la〜
但我還是比較喜歡那個可愛的”健健”呀〜哈哈〜
回想起上年這個時候〜”我,亞B,美寶”重一齊去左kaki屋企玩〜
真係好開心架〜這張相就是上年我地為健健慶祝生日個時影架〜 ^_^
但不知道是否人大了...就會開始各有各忙〜各有各的生活lei〜
可能近期都經常留在家中〜天氣不是落雨就是熱到想死〜
所以很少外出〜而且最近又發生了一些事情〜
令到個人有點悶同想不開la〜我這個人最怕就是”悶”的〜
還是比較喜歡一大班人開開心心的生活〜工作也是〜
我想是時候快點找工作做〜因已經失業了3個月呀〜
再不找工的話〜不是給媽媽罵死〜就是害怕自己會快變成自閉!
想一想〜時間真的過得很快〜轉眼間2005年又已經過左半年了〜
不知道來近這半年〜我的生活又會變成怎樣!?
希望會變好一點就好了...
月の記事
最新読者回應的記事
アイコン画像カキ
» 亞曼第一次打日記!? (2005年07月04日)